Dick Drayer
| Pais di nashonalidat | Reino Hulandes  |
|---|---|
| Nòmber di dilanti | Dick |
| Fecha di nasementu | 9 yanüari 1963 |
| Dominio di idioma | Hulandes |
| Okupashon | presentadó na televishon, periodista |
Dick Drayer (☆ 9 di yanüari 1963 na Smallingerland, Friesland) ta un periodista hulandes-kurasoleño i presentadó di radio i television. E ta konosí na Kòrsou na diferente radioemisora i na Radio Nederland Wereldomroep (RNW) i ta fungi komo koresponsal di e programanan notisiero NOS Journaal, Radio 1 i Nieuwsuur na Hulanda. Drayer ta e koresponsal den Karibe di e diario hulandes Trouw.[1]
Previamente Drayer a traha pa Omroep MAX, NTR i NRC Handelsblad na Hulanda. E ta doño di Persbureau Curaçao, un agensia di prensa ku ta prepara buletinnan di notisia pa emisoranan na Kòrsou i ku ta traha estrechamente ku otro organisashonnan di media na Kòrsou i e otro islanan di Karibe Hulandes.
Na 2006 Drayer a muda pa Kòrsou – pais di orígen di su eks-kasá – pa traha pa algun emisora i korant. Na 2008 e ta wòrdu elegí periodista di aña. Banda di su trabou pa e media na Hulanda, Bélgika (parti hulandes) i Alemania komo koresponsal den estranheria, e ta sirbi varios organisashon di prensa karibense, manera Èxtra, e korant mas grandi di Kòrsou i ABC-media ku artíkulo i reportahe oudiotorio i televisá. Desde 2018 e ta traha tambe pa e agensia di prensa Associated Press i e korant The Wallstreet Journal na Merka.
Drayer ta biba na Willemstad i tin dos yu.
Referensia
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
