Reino Hulandes Reino Hulandes
Himno: Wilhelmus
Informacion basico
Idioma oficial	Hulandes, Fries, Ingles, Papiamentu
Capital	No tin kapital. Sede di gobièrnu di Reino ta Den Haag, Hulanda
Forma di gobernacion	Monarkia konstitushonal
Soberania
Establecimento  di soberania	Statuut 28 di òktober 1954
Cabesante di estado	- Rei Willem-Alexander di Hulanda
Geografia
Area	42.506 km² (-% awa)
Punto mas halto	Mount Scenery
Demografia
Populacion	16,390,941 (2002-'11)[1] (393 habitante/km2)
Otro informacion
Moneda	Euro (Hulanda), Florin Antiano (Kòrsou, Sint Maarten), Florin Arubano (Aruba) (EUR, ANG, AWG)
UTC	+1 i -4
Web | Tel.	.nl, .an i .aw | +31 (Hulanda), +599 (Antias Hulandes) i +297 (Aruba)
Mapa detaya di Reino Hulandes

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Reino Hulandes ta un reino ku for di 1954 ta konsistí di diferente pais. Desde 2010 e ta konstituí pa cuater pais: Hulanda, Sint Maarten, Kòrsou i Aruba. Te ku aña 1975, Sürnam tabata un pais den Reino Hulandes. Nieuw Guinea tabata un pais den Reino Hulandes te ku aña 1962. E Reino ta un monarkia federal ku e rei di Hulanda komo kabes di estado. E relashonnan entre e paisnan den reino ta stipulá den e Statuut di 28 di òktober 1954. Difisil ta pa mira e diferensia entre e Reino Hulandes (e tres pais) komo monarkia federal i e país Oropeo (Hulanda) ku ta karga e mesun nòmber.

Historia

Desde 1955 e Teritorio Insular Autonomo di Aruba a introduci su propio escudo y desde 1976 su propio himno y bandera nacional y a base di un referendum teni na maart 1977 a skoge tambe pa su independencia, pa a bira un pais politicamente completamente separa y independiente, completamente para riba su mes y un Estado Miembro di un Reino Hulandes den forma di un commonwealth segun e modelo di e Statuut di Westminster y e Commonwealth Britanico, consistiendo di cuater pais, manera tawata e deseo di e pueblo ancra tambe caba for di augustus 1947 den un staatstuk oficialmente presenta y publica.

Paisnan

• Aruba
• Hulanda (inkluyendo Boneiru, Sint Eustatius i Saba komo munisipionan hulandes, e islanan BES)
• Kòrsou
• Sint Maarten

Kabes di Estado

Willem-Alexander di Hulanda ta kabes di estado di henter Reino Hulandes: ku ta konstitui pa kuater pais separa y independiente, esta Hulanda, Aruba (1986), Kòrsou (2010) i St. Maarten (2010).

Gobiernu di Reino

E Gobièrnu di Reino ta konsistí di e Rei di Reino Hulandes, Rei Willem-Alexander i e Konseho di Minister di Reino ku ta konsistí di e Konseho di Minister kompleto di Hulanda hunto ku e tres minister plenipotensiario kada uno representando sea Aruba, Kòrsou o St. Maarten.

Link eksterno

• Kabinet van de Gevolmachtigde Minister van Aruba
• Ministerie van Binnenlandse Zaken en Koninkrijksrelaties
• Tekst Statuut (HTML)
• Toelichting op het Statuut bij het Ministerie van Binnenlandse Zaken en Koninkrijksrelaties

1. ↑ ^{1.0 1.1} Censussen opgeteld van Aruba, Curaçao, Nederland en Sint Maarten (land)