ഇംഗ്ലീഷ് വിലാസം

https://ml.wikipedia.org/wiki/Wrightia_antidysenterica

കുടകപ്പാല
കുടകപ്പാലയുടെ ഇലയും പൂവും
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Asterids
Order:	Gentianales
Family:	Apocynaceae
Genus:	Holarrhena
Species:	H. pubescens
Binomial name
Holarrhena pubescens Wall.
Synonyms
Chonemorpha antidysenterica G.Don Chonemorpha pubescens (Wall.) G.Don Echites adglutinatus Burm.f. Echites antidysentericus Roth [Illegitimate] Echites pubescens Buch.-Ham. [Illegitimate] Elytropus pubescens (Wall.) Miers Holarrhena antidysenterica var. macrantha Kerr Holarrhena antidysenterica var. pubescens (Wall.) J.L.Stewart & Brandis Holarrhena codaga G.Don Holarrhena febrifuga Klotzsch Holarrhena fischeri K.Schum. Holarrhena glaberrima Markgr. Holarrhena glabra Klotzsch Holarrhena macrocarpa (Hassk.) Fern.-Vill. Holarrhena malaccensis Wight Holarrhena perrotii Spire Holarrhena pierrei Spire Holarrhena tettensis Klotzsch Holarrhena villosa Aiton ex Loudon Nerium sinense Hunter ex Ridl. Physetobasis macrocarpa Hassk.

1200 മീറ്റർ വരെ പൊക്കമുള്ള സ്ഥലങ്ങളിൽ വളരുന്ന ഔഷധയോഗ്യമായ ചെറിയ വൃക്ഷമാണ്‌ കുടകപ്പാല (ശാസ്ത്രീയനാമം:Holarrhena pubescens). ഇത് 10 മീറ്റർ വരെ ഉയരത്തിൽ വളരുന്നു. അതിസാരത്തിനുള്ള ഔഷധമായി ആയുർവേദത്തിൽ ഉപയോഗിക്കുന്നു^[1]

നേർത്ത സുഗന്ധമുള്ള പൂക്കൾ കുലകളായി ഈസ്റ്റർ കാലത്ത് ഉണ്ടാകുന്നതു കൊണ്ട് ഈസ്റ്റർ മരം എന്നും വിളിക്കും. കായ്കൾക്ക് ഒരടിയോളം നീളമുണ്ട്. വിത്തു നട്ടും വേരിൽ നിന്നുണ്ടാകുന്ന തൈകൾ നട്ടും വളർത്താം ^[2]

• സംസ്കൃതം - കുടജ, കലിംഗ, ഇന്ദ്രയവ

• രസം - തിക്തം
• ഗുണം - ലഘു, രൂക്ഷം
• വീര്യം - ശിതം

തൊലി, വേരു്, വിത്ത് എന്നിവ ഔഷധത്തിനു് ഉപയോഗിക്കുന്നു. അമീബിക് വയറുകടിയ്ക്കും അതിസാരത്തിനും നല്ല മരുന്നാണ്. അർശ്ശസ്സ്, രക്തപിത്തം, കുഷ്ടം, ഛർദ്ദി, വയറുവേദന എന്നീ രോഗങ്ങൾക്ക് നല്ല മരുന്നാണെന്ന് ഭാവപ്രകാശം, ധന്വന്തര നിഘണ്ടു എന്നീ ഗ്രന്ഥങ്ങൾ പറയുന്നു.^[3]

പാൽ നിറത്തിൽ കറയുള്ള ചെടിയാണ്‌ ഇത്. ഇതിന്റെ ഇലകൾ സമ്മുഖമായി വിന്യസിച്ചിരിക്കുന്നു. ചെറിയ ഇല ഞെട്ടിൽ 10-30 സെന്റീമീറ്റർ വരെ നീളമുള്ള ഇലകൾക്ക് വൃത്താകാരമാണുള്ളത്. ഇലകളുടെ സിരകൾ വ്യക്തമായി കാണാവുന്നതാണ്‌. പത്ര കക്ഷത്തിൽ പുഷ്പമജ്ഞരി ഉണ്ടാകുന്നു. പൂക്കൾ ചെറുതും വെള്ളനിറത്തിൽ സുഗന്ധമുള്ളതുമാണ്‌. ബാഹ്യദളപുടം സം‌യുക്തവും 5 ഇതളുകൾ ഉള്ളതുമാണ്‌. ദളപുട നാളിയുടെ അഗ്രഭാഗത്തായി 5 ദളങ്ങൾ സ്ഥിതിചെയ്യുന്നു. ഒരു പൂവിൽ 5 കേസരങ്ങൾ ഉണ്ട്. ഒരു പൂവിൽ നിന്നും രണ്ട് ഫോളിക്കുകളിലായി നീളമുള്ള വിത്തുകൾ കാണപ്പെടുന്നു.^[4]

തൊലി, വിത്ത് എന്നിവയാണ്‌ ഔഷധയോഗ്യമായ ഭാഗങ്ങൾ

• 
  കുടകപ്പാല - ചെടി
• 
  കുടകപ്പാല - ഇലയും കായും
• 
  കുടകപ്പാല - - പൂക്കൾ

ഒരിടത്ത് തെറ്റായി പ്രസിദ്ധീകരിക്കപ്പെട്ടതിനാൽ ഇത് ഗുണ്ടുമുല്ലയുമായി പലയിടത്തും തെറ്റിദ്ധരിച്ച് ഉപയോഗിക്കപ്പെടാറുണ്ട്.

1. ↑ അല്പം വിവരണം
2. ↑ അലങ്കാര വൃക്ഷങ്ങൾ, പേജ് 15- ജി.എസ്. ഉണ്ണീകൃഷ്ണൻ നായർ, കേരള ഭാഷ ഇൻസ്റ്റിറ്റ്യൂട്ട്
3. ↑ ഔഷധ സസ്യങ്ങളുടെ അത്ഭുത പ്രപഞ്ചം - മാത്യു മടുക്കക്കുഴി, കറന്റ്‌ ബുക്സ്‌
4. ↑ ഡോ.എസ്. നേശമണി. ഔഷധസസ്യങ്ങൾ വാല്യം 11.The State Institute of Languages തിരുവനന്തപുരം. പുറം 177-179

വിക്കിസ്പീഷിസിൽ Holarrhena pubescens എന്നതുമായി ബന്ധപ്പെട്ട കൂടുതൽ വിവരങ്ങൾ ലഭ്യമാണ്.

Holarrhena pubescens എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

സസ്യങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.