47 palladium ← argentum → cadmium Cu ↑ Ag ↓ Au Systema periodicum
Proprietates generales
Nomen, Symbolus, Numerus Atomicus	argentum, Ag, 47

Argentum^[1] est elementum chemicum metallicum transitionis cui sunt symbolum chemicum Ag (ex radice Indo-Europaea *arg- 'canus, fulgens') et numerus atomicus 47. Id est inlustre metallum transitionis, molle et album, quod maximam omnium elementorum conductivitatem electricam et maximam omnium metallorum conductivitatem thermalem habet. Naturá fit in statu puro liberoque (ut argentum nativum), ut ligatio metallica cum auro aliisque metallis, et in mineralibus sicut argentites et chlorargyrites. Plurimum argenti ex purgatione auri, cupri, plumbi, zinci nascitur.

Argentum metallum pretiosum diu aestimatur, et ad efficienda ornamenta, gemmas, utensilia sumptuosa (ergo nomen argentum pro vasis cenandi), et nummos adhibetur. Metallum argenteum hodie in contactibus et conductoribus electricis, speculis, et catalysi reactionum chemicarum adhibetur. Eius composita in pellicula photographica adhibentur, et dilutae nitrati argenti solutiones et alia composita argenti ut disinfectants^? et microbiocida adhibentur. Cum autem antibioticae in eius locum pro multis in medicina usibus antimicrobialibus substitutae sunt, investigationes in potentiales clinicas persistunt.

Cum argentum in aere oxygenico exponitur res aeruginis similis in superficie metalli apparet. Densitas est 10.53 g/cm³.

Argentum est ductile et malleabile (auro aliquantulum durius) metallum rei nummariae monovalens, clarissime albo nitore metallico praeditum, quod maiorem poliendi gradum accipere potest. Ei est maxima omnium metallorum conductivitas electrica, altior etiam cupro, sed pro usu generali in loco cupri pro rationibus electricis id est nimius carum. Contra hoc, 13,540 tonnae in electromagnetibus ad locupletandum uranium per secundum bellum mundanum (praecipue ob bellicam cupri egestatem) adhibebantur.^[2][3][4] Exceptio huic fit in ingeniaria frequentiarum radiophonicarum, praecipue in frequentiis VHF^? et altioribus, ubi argento inductio late adhibetur.

• Electrum (metallum)
• Nummus argenteus
• Denarius
• Drachma
• Ducatus (nummus)

Vicimedia Communia plura habent quae ad Argentum spectant.

Vide Argentum in Victionario.

• Hoc elementum apud Patreon: periodic videos
• Congeries rerum argentearum apud situm theodoregray.com
• Institutum Argenteum apud situm silverinstitute.org
• Pictura in Henrici Pniok congerie elementorum, apud situm pniok.de
• Podcast (MP3) ex Royal Society of Chemistry^? Chemistry World: Silver
• Societas Fabrorum Argenteorum Americanorum apud situm silversmithing.com
• "Transport, Fate and Effects of Silver in the Environment," apud situm digital.library.wisc.edu

Elementa chemica: series paginarum brevium

1 H 2 He 3 Li 4 Be 5 B 6 C 7 N 8 O 9 F 10 Ne 11 Na 12 Mg 13 Al 14 Si 15 P 16 S 17 Cl 18 Ar 19 K 20 Ca 21 Sc 22 Ti 23 V 24 Cr 25 Mn 26 Fe 27 Co 28 Ni 29 Cu 30 Zn 31 Ga 32 Ge 33 As 34 Se 35 Br 36 Kr 37 Rb 38 Sr 39 Y 40 Zr 41 Nb 42 Mo 43 Tc 44 Ru 45 Rh 46 Pd 47 Ag 48 Cd 49 In 50 Sn 51 Sb 52 Te 53 I 54 Xe 55 Cs 56 Ba 57 La 58 Ce 59 Pr 60 Nd 61 Pm 62 Sm 63 Eu 64 Gd 65 Tb 66 Dy 67 Ho 68 Er 69 Tm 70 Yb 71 Lu 72 Hf 73 Ta 74 W 75 Re 76 Os 77 Ir 78 Pt 79 Au 80 Hg 81 Tl 82 Pb 83 Bi 84 Po 85 At 86 Rn 87 Fr 88 Ra 89 Ac 90 Th 91 Pa 92 U 93 Np 94 Pu 95 Am 96 Cm 97 Bk 98 Cf 99 Es 100 Fm 101 Md 102 No 103 Lr 104 Rf 105 Db 106 Sg 107 Bh 108 Hs 109 Mt 110 Ds 111 Rg 112 Cn 113 Nh 114 Fl 115 Mc 116 Lv 117 Ts 118 Og Elementum • Systema periodicum