Օխրիդյան ամառ
| Օխրիդյան ամառ | |
|---|---|
 | |
| Տեսակ | ամառային փառատոն, երաժշտական փառատոն և թատերական փառատոն |
| Երկիր |  Հյուսիսային Մակեդոնիա |
| Վայր | Հյուսիսային Մակեդոնիա |
| Առաջինը | 1961 |
| ohridskoleto.com.mk | |
 Ohrid Summer Festival Վիքիպահեստում | |
Օխրիդյան ամառ (անգլ.՝ Ohrid Summer), երաժշտական ամենամյա փառատոն Մակեդոնիայում[1]։ Այն անցկացվում է ամեն տարի հուլիսի 12-ից օգոստոսի 20-ը մակեդոնական Օխրիդ քաղաքում։ Փառատոնի ֆինանսավորումը իրականացնում են Մակեդոնիայի Հանրապետության Մշակույթի նախարարությունը և անհատ հովանավորները։ Փառատոնի պաշտոնական հովանավորը Մակեդոնիայի նախագահն է։ 1994 թվականից փառատոնը Եվրոպական փառատոների ասոցիացիայի մասն է կազմում։
Փառատոնի պատմություն
[խմբագրել | խմբագրել կոդը].jpg)
Առաջին անգամ Օխրիդյան փառատոն անցկացվել է 1961 թվականի օգոստոսի 4-ին՝ Սուրբ Սոֆյա մայր տաճարի պատերի ներքո։ Բացումը կատարել է օպերային երգչուհի Անա Լիպշա Տոֆովիչը։ Նրա հետ հանդես եկավ դաշնակահար Լադիսլավ Պերդլիկան։ Հընթացս փառատոնի հնչել են Հենդելի, Մոցարտի, Բեթհովենի և այլ դասականների ստեղծագործությունները։ Փառատոնի շնորհիվ կամերային երաժշտությունն առավելի մեծ ճանաչում սկսեց ձեռքբերել։ Հաջորդող փառատոներին հանդես եկան այնպիսի ականավոր արտիստներ, ինչպիսիք են՝ Վլադիմիր Ռուժգակ (բարիտոն, Խորվաթիա), Մարտինա Արոյո (սոպրանո, ԱՄՆ), Սլովենիայի և Պրահայի օկտետը, Juilliard String Quartet և Golden Fate Quartet կվարտետները, մակեդոնացի երգիչներ Միլկա Եֆտիմովան և Տոդոր Սկալովսկին, ռուս ջութակահար Լեոնիդ Կոգանը, ֆրանսիացի թավջութակակահար Անդրե Նավարան, ինչպես նաև Մստիսլավ Ռոստրոպովիչը, Գիդոն Կրեմերը, Ռագիրո Ռիչին, Վիկտոր Տրետյակովը, Հենրիկ Շերինգը, Սալվատորե Ակարդոն, Ելենա Օբրազցովան, Կատյա Ռիչարելլին, Վիկտորիա դե լոս Անխելեսը, Մաքսիմ Վենգերովը, Վադիմ Ռեպինը, Ջուլիան Ռախլինը, Իվո Պոգորելիչը և այլք։ Ելույթներով հանդես են եկել նաև վոկալ-գործիքային անսամբլեր՝ Մյունխենի կամերային օրկեստրը, Virtuosi de Roma, Ժորժ Էնեսկու օրկեստրը, Լիտվայի կամերային օրկեստրը, Ավստրիայի ռադիոյի սիմֆոնիկ նվագախումբը, Բուխարեստի «Մադրիգալ» երգչախումբը, Գլինկայի անվան Լենինգրադի երգչախումբը, Վիեննայի տղաների երգչախումբը։
Ներկայիս դրությամբ Օխրիդյան ամառին մասնակցում են արտիստներ Ռուսաստանից, Թուրքիայից, Ֆրանսիայից, ԱՄՆ-ից, Նիդերլանդներից, Իտալիայից, Հունաստանից և այլ երկրներից։ Միջոցառման շրջանակներում նաև թատերական ներկայացումներ են բեմադրվում, այդ թվում՝ Շեքսպիրի, Չեխովի, Մոլիերի, Գոգոլի, Բրեխտի, Սոփոկլեսի, Եվրիպիդեսի, Արիստոփանեսի և այլոց ստեղծագործություններով։
Փառատոնի հայտնի մասնակիցներ[2]
[խմբագրել | խմբագրել կոդը]Ռուսաստան և ԽՍՀՄ
[խմբագրել | խմբագրել կոդը]- Մաքսիմ Վենգերով
- Վլադիմիր Երմակով
- Լեոնիդ Կոգան
- Գիդոն Կրեմեր
- Ելենա Օբրազցովա
- Միխայիլ Պլետնյով
- Յուլիան Ռախլին
- Վադիմ Ռեպին
- Սվյատոսլավ Ռիխտեր
- Մստիսլավ Ռոստրոպովիչ
- Գրիգորի Սոկոլով
- Վիկտոր Տրետյակով
- Դմիտրի Խվորոստովսկի
- Մարինա Շուտովա
Արտասահման
[խմբագրել | խմբագրել կոդը]- Սալվատորե Ակարդո
- Մարտինա Արոյո
- Միչել Կամիլո
- Խոսե Կարերաս
- Նեյջել Քենեդի
- Վիկտորիա դե լոս Անխելես
- Պոլ Մեյեր
- Զուբին Մեթա
- Էնիո Մորիկոնե
- Անդրե Նավարա
- Ջեսսի Նորման
- Լեո Նուչի
- Իվո Պոգորելիչ
- Կատյա Ռիչարելլի
- Ռուջերո Ռիչի
- Բարբարա Ֆրիտտոլի
- Ալդո Չիկոլինի
- Հենրիկ Շերինգ
Ծանոթագրություններ
[խմբագրել | խմբագրել կոդը]- ↑ «Օխրիդյան ամառի պաշտոնական կայքը».
- ↑ «Славниот Карерас најмногу заработил од „Охридско лето"». Novamakedonija.com.mk (մակեդոներեն). 2012 թ․ հուլիսի 13. Արխիվացված է օրիգինալից 2015 թ․ հուլիսի 21-ին. Վերցված է 2016 թ․ հունվարի 3-ին.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
