Պեկինի երկրորդ օղակաձև ավտոճանապարհ
Պեկինի երկրորդ օղակաձև ավտոճանապարհ ( չինարեն հեշտ. 二环路 , պինին: èr huán lù) — ավտոճանապարհ Պեկինում[1][2][3]։ Համարվում է Պեկինի օղակաձև ավտոճանապարհներից ամենափոքրը։ Այն գտնվում է քաղաքի կենտրոնից մի քանի կիլոմետր հեռավորության վրա և ծառայում է որպես կենտրոնական փողոցների խցանումներից խուսափելու հարմար միջոց։
Երկրորդ օղակաձև ավտոճանապարհը կառուցված է քաղաքի հնագույն պատերը քանդելուց հետո ազատված տեղում, այդ պատճառով էլ ճանապարհի առանձին հատվածներ կրում են բերդի դարպասների անվանումից ծագած անվանումներ։ Ժամանակակից Պեկինի և Հին Պեկինի քարտեզները համեմատությունը թույլ է տալիս ճշգրտել որ ճանապարհը կանգնեցված է եղել կոպիտ ասած ոչ թե այնտեղ ուր պատերն էին, այլ այնտեղ՝ որտեղ եղել է բերդախրամը (ամրության խրամատ)։ Ճանապարհի կառուցումը վերջնականապես ավարտվել է 1980-ական թվականներին։ 1990-ական թվականներին նրանից հեռացված էին լուսացույցները, ինչպես նաև կառուցված են եղել մի քանի բազմամակարդակ խաչմերուկներ։Երկրորդ օղակաձև ավտոճանապարհը առաջին ճանապարհն է Պեկինում, որի վրա ամբողջությամբ բացակայում են լուսացույցները։ 2001թ․-ին ճանապարհը վերակառուցվել է․ ամբողջությամբ փոփոխվել է ճանապարհածածկը, ճանապարհի երկայնքով տնկվել են մեծ քանակով բույսեր։
Երկրորդ օղակաձև ավտոճանապարհի տակով է անցնում Պեկինի մետրոպոլիտենի 2րդ (օղակապտույտ) գիծը, որի կայարանների մեծ մասը գտնվում են ճանապարհի երկու կողմերում։
Հին 2-րդ օղակաձև ճանապարհ
[խմբագրել | խմբագրել կոդը]Նախկին «Հին 2-րդ օղակաձև ճանապարհը» էլիպսի ձև ուներ։ Այն անցնում էր քաղաքի միջին պատերի երկայնքով․ Սիչժիմենի հյուսիս-արևմուտքում, Դունչժիմենի հյուսիս-արևելքում, Սիբյանմենի հարավ-արևմուտքում, Դունբյանմենի հարավ-արևելքում։
Նոր 2-րդ օղակաձև ճանապարհ
[խմբագրել | խմբագրել կոդը]Նոր ճանապարհը նախկին ճանապարհի ընդլայնումն է հարավային ուղղությամբ։ Ճանապարհի նոր հատվածը ձգվում է քաղաքի նախկին պատերի երկայնքով։ Հարավ-արևելքում ճանապարհն այժմ Դունբյանմենից գնում է Ցզոամեն, իսկ հարավ-արևմուտքում Սիբյանմենից բազմամակարդակ խաչմերուկներով՝ Ցայխուին։ Պաշտոնապես այն կոչվել է 2-րդ օղակաձև ճանապարհի ընդլայնվածք, սակայն մեր օրերում այդ տերմինը դուրս է եկել գործածությունից։
Տես նաև
[խմբագրել | խմբագրել կոդը]Պատկերասրահ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Պեկինում շրջագայության ուղեցույց․ Օղակաձև ճանապարհներ». greatwalladventure.com.
- ↑ «Պեկինի երկրորդ օղակաձև ճանապարհ». famouschinese.com.
- ↑ WEIJING, ZHU. «Another Ring for Beijing to Wear». theworldofchinese.com. Արխիվացված է օրիգինալից 2020 թ․ հուլիսի 23-ին.
Արտաքին հղումներ
[խմբագրել | խմբագրել կոդը]Երկրորդ օղակաձև ավտոճանապարհ 北京二环路 (չին.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.