Կուպերտինո (քաղաք, ԱՄՆ)
| Բնակավայր | |||||
|---|---|---|---|---|---|
| Կուպերտինո | |||||
| անգլ.՝ Cupertino | |||||
| |||||
 | |||||
| Երկիր |  ԱՄՆ | ||||
| Համայնք | Սանտա Կլարա շրջան | ||||
| Հիմնադրված է | 1955 թ. | ||||
| Մակերես | 29,29847 կմ², 29,155977 կմ² | ||||
| ԲԾՄ | 236 ֆուտ | ||||
| Բնակչություն | ▼60 381 մարդ (ապրիլի 1, 2020)[1] | ||||
| Ժամային գոտի | UTC-8 | ||||
| Հեռախոսային կոդ | 408 | ||||
| Փոստային դասիչ | 95014 և 95015[2] | ||||
| Պաշտոնական կայք | cupertino.org(անգլ.) | ||||
| |||||
Կուպերտինո (անգլ.՝ Cupertino, [ˌkuːpərˈtiːnoʊ]), քաղաք Կալիֆոռնիայի Սանտա Կլարա շրջանում։ Գտնվում է Սան Խոսեից մոտավորապես 20կմ և Սան Ֆրանցիսկոյից 75կմ հեռավորության վրա։ Բնակչության թիվը կազմում է 61 հազար մարդ (2019)[3]։ Կուպերտինոն Սիլիկոնյան հովտի քաղաքներից մեկն է։
Աշխարհագրություն
[խմբագրել | խմբագրել կոդը]Կուպերտինոն հյուսիսից սահմանակից է Սանիվեյլին, հյուսիս-արևելքից՝ Սանտա Կլարային, արևելքից և հարավ-արևելքից՝ Սան Խոսեին, հարավից՝ Սարատոգային, իսկ հարավ-արևմուտքից՝ Սանտա Կրուզ ժայռերին։ Կուպերտինոն ավելի մոտ է ժայռերին, քան Սան Ֆրանցիսկոյի ծովախորշին, որի երկայնքով հիմնականում կենտրոնացած են Սիլիկոնյան հովտի բիզնեսի սիրտը կազմող տեխնոլոգիական ընկերությունների գրասենյակները։
Ժողովրդագրություն
[խմբագրել | խմբագրել կոդը]Պատմականորեն Կուպերտինոն (Սան Ֆրանցիսկոյի Չայնաթաունի հետ) եղել է Չինաստանից արտագաղթողների կենտրոն։ Ներկայումս ևս ասիական ծագում ունեցող բնակիչների մասնաբաժինը գերազանցում է 60%-ը։
Կրթություն
[խմբագրել | խմբագրել կոդը]Կուպերտինոյում են գտնվում մի շարք խոշոր ՏՏ ընկերությունների գլխամասային գրասենյակները, այդ թվում՝ «Apple» և «Symantec» և այլն։ Այստեղ են գտնվում նաև Սան Ֆրանցիսկոյի ծովախորշի լավագույն դպրոցները (օրինակ՝ Monta Vista, Lynbrook, Homestead и Cupertino High)։ Առաջին երկուսը Կալիֆոռնիայի լավագույն դպրոցներից են ընդհանրապես։ Այս հանգամանքը գրավում է բարձր եկամուտ ունեցող ընտանիքներին, որոնք փորձում են լավագույն կրթություն տալ իրենց երեխաներին։
Կուպերտինոյում է գտնվում նաև Դե Անզի քոլեջը, որը պատրաստում է մոտ 22 000 ուսանողի, ինչպես նաև կորպորատիվ վերապատրաստման կենտրոն է Apple-ի աշխատակիցների համար։
Տեղանուն
[խմբագրել | խմբագրել կոդը]Կուպերտինոն անվանվել է Արոյո Սան Խոսե դե Կուպերտինո վտակի, ներկայումս՝ Սթիվենս Քրիք գետերի պատվին։ Գետի նախկին անվանումը տրվել է իսպանացի հետախույզ Խուան Բաուտիստա դե Անսի կողմից՝ ի պատիվ Սուրբ Ջուզեպպե Կուպերտիանացու։ Սուրբն իր անունը ստացել է Իտալիայի Ապուլիա շրջանի Կուպերտինո քաղաքից։ 20-րդ դարի սկզբին Կուպերտինոն փոխարինել է նախկին անվանումը՝ Վեսթ Սայդ։
Տնտեսություն
[խմբագրել | խմբագրել կոդը]2010 թվականի տվյալներով՝ Կուպերտինոյում ամենամեծ գործատուներն են[4]․
| # | Գործատու | Աշխատակիցների թիվը |
|---|---|---|
| 1 | «Apple» | 34300 (տարածաշրջանում) |
| 2 | «Օրաքլ» | 8000(տարածաշրջանում) |
| 3 | «Foothill-De Anza Community College District» | 3100 |
| 4 | «Hewlett-Packard» | 3000 |
| 5 | «Cupertino Union School District» | 1679 |
| 6 | «ArcSight» | 512 |
| 7 | «Fremont Union High School District» | 429 |
| 8 | «Chordiant» | 285 |
| 9 | «The Forum at Rancho San Antonio» | 285 |
| 10 | «Trend Micro» | 250 |
Քույր քաղաքներ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ 2020 թվականի ԱՄՆ մարդահամար / United States Census Bureau
- ↑ https://www.zip-codes.com/city/ca-cupertino.asp#zipcodes
- ↑ «U.S. Census Bureau». Արխիվացված է օրիգինալից 2012 թ․ հունիսի 5-ին. Վերցված է 2012 թ․ մարտի 28-ին.
- ↑ «City of Cupertino CAFR». Արխիվացված օրիգինալից 2016 թ․ մայիսի 28-ին. Վերցված է 2012 թ․ սեպտեմբերի 9-ին.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
