Ծիլ (հանդես)
Ծիլ անգլ.՝ The Germ | |
---|---|
Տեսակ | հանդես |
Լեզու | անգլերեն |
Գլխավոր խմբագիր | Ուիլիամ Մայքլ Ռոսսետտի |
Հիմնադրվել է | 1850 |
Հրատարակիչ | Պրեռաֆայելիտներ |
Երկիր | Միացյալ Թագավորություն |
Լուծարվել է | 1850 |
«Ծիլ» (անգլ.՝ The Germ), Պրեռաֆայելիտների եղբայրության անդամների (Ուիլյամ Հոլման Հանտ, Դանթե Գաբրիել Ռոսսետտի և նրա եղբայր Ուիլյամ Մայքլ Ռոսսետտի) հիմնած հանդեսը[1]։ Գլխավոր խմբագիրը եղել է Ուիլյամ Ռոսսետտին։
Հանդեսը մեծ հաջողություն ու ճանաչում չի ունեցել, լույս է տեսել 1850 թվականի հունվարից մինչև ապրիլ[2]։ Aylott & Jones հրատարակչությունում տպագրվել է ընդամենը 4 համար։ «Ծիլ» անվանումը ընտրվել է, որպեսզի ցույց տրվի պրեռաֆայելիտների անքակտելի կապը բնության հետ, և առաջին հերթին «Ծիլը» պետք է լիներ այն ընձյուղը, որից պետք է աճեին ստեղծագործական նոր գաղափարներ։
Հանդեսում տպագրվել են պրեռաֆայելիտների տեսական հոդվածները, Ուիլյամ Ռոսսետտիի, Քրիստինա Ջորջինա Ռոսսետտիի, Թոմաս Վուլների, Ջեյմս Քոլինսոնի, նկարիչ Ուոլտեր Դևերելի, Ուիլյամ Սքոթի բանաստեղծական գործերը։ Այստեղ է տպագրվել Դանթե Գաբրիել Ռոսսետտիի «Երկնային ընկերուհի» (անգլ.՝ The blessed Damozel) բանաստեղծությունը, որը հեղինակը գրել էր 19 տարեկանում։ Սա շատերի կողմից համարվում է Ռոսսետտիի լավագույն ստեղծագործությունը։ «Ծիլ» հանդեսում լույս են տեսել նաև պրեռաֆայելիտների ընկերների գրած հոդվածներ և էսսեներ արվեստի ու գրականության վերաբերյալ, օրինակ՝ Ֆորդ Մեդոքս Բրաունի։ Թեպետ լույս է ընծայվել հանդեսի միայն չորս համար, այն նկարիչների շրջանում բազմաթիվ համակիրներ է ձեռք բերել։ Վերջին երկու համարները կրել են նոր անվանում՝ «Արվեստ և պոեզիա» (անգլ.՝ Art and Poetry: Being Thoughts towards Nature Conducted Principally by Artists)[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 «British Library». www.bl.uk. Արխիվացված է օրիգինալից 2023 թ․ փետրվարի 1-ին. Վերցված է 2023 թ․ փետրվարի 1-ին.
- ↑ «The Germ. Thoughts towards Nature in Poetry, Literature, and Art Art and Poetry: Being Thoughts towards Nature Conducted Principally by Artists - Collection Introduction». www.rossettiarchive.org. Վերցված է 2023 թ․ փետրվարի 1-ին.
Արտաքին հղումներ
[խմբագրել | խմբագրել կոդը]- The Germ: Thoughts towards Nature in Poetry, Literature and Art (անգլ.) (Ուիլյամ Մայքլ Ռոսսետտիի մեկնաբանություններով)
- The Rossetti Archive
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.