Լեյք Փլեսիդ[2] (անգլ.՝ Lake Placid), բնակավայր ԱՄՆ-ի Նյու Յորք նահանգում։ 1932 և 1980 թվականներին եղել է ձմեռային օլիմպիական խաղերի մայրաքաղաք։ Ժամանակ առ ժամանակ այստեղ անցկացվում են բիաթլոնի` աշխարհի գավաթի առաջնությունները։ 1999 թվականից բազմամարտի Ironman («Երկաթե մարդ») առաջնության անցկացման պաշտոնական վայրերից մեկն է։ Վերջին 37 տարիների ընթացքում այստեղ են անցկացվում ձիասպորտի «Ես սիրում են Նյու Յորքը» (անգլ.՝ I Love New York) և «Լեյք Փլեսիդ» առաջնությունները։
Լեյք Փլեսիդը գտնվում է Ադիրոնդակ լեռներում, որոնք Ապալաչներ լեռնային համակարգի մաս են կազմում։ Ավանը գտնվում է Փլեսիդ լճի հարավային ծայրամասում, սակայն ավելի մոտ է Միրոր լճին, որի երկարությամբ ձգվում է նրա գլխավոր փողոցը` Մեյն սթրիթը։ Ավանի մակերեսը 3.9 կմ² է, որից ցամաքը կազմում է 3.6 կմ², ջրային տարածքը` 0.4 կմ²։
2000 թվականի մարդահամարի տվյալներով ավանն ունի 2638 բնակիչ։ Ավանում հաշվվում են 1303 տնային տնտեսություն և 604 ընտանիք։ Բնակչության խտությունը 1913.2 մարդ է քառակուսի մղոնում (738,1/կմ²)։ Բնակչության ռասայական կազմը հետևյալ տեսքն ունի.
| Տոկոսային հարաբերություն, % |
Էթնիկ կամ ռասայական խումբ
|
| 95,75 %
|
սպիտակամորթներ
|
| 0,68 %
|
աֆրոամերիկացիներ
|
| 0,45 %
|
բնիկ ամերիկացիներ
|
| 0,91 %
|
ասիացիներ
|
| 0,57 %
|
Օվկիանիայից ներգաղթածներ
|
| 0,19 %
|
այլ ռասաներ
|
| 0,91 %
|
իսպանացիներ և լատիաամերիկացիներ
|
Տնտեսությունների 22,3 %-ն ունի 18 տարեկանից փոքր երեխա, որոնց հետ ապրում են համատեղ, 34.1 %-ը ամուսնացած զույգեր են, որ ապրում են միասին, 8.4 %-ը չամուսնացած կանայք են, իսկ 53.6 %-ը ընտանիքներ չեն համարվում։
ԱՄՆ
