Washington

hesło: Alki („Něhdy“)
Zakładne daty
stolica	Olympia
přestrjeń	184.665 km²
wobydlerstwo	7.170.351 (1. jul 2015)[1]
hustosć	39 wob. na km²
časowe pasmo	UTC–8 (PST)
Politika
guwerner	Jay Inslee (Dem.)
přistup do unije	11. nowembra 1889
Přehladna karta zwjazkoweho stata
p • d • w

Washington je US-ameriski zwjazkowy stat, kotryž leži na sewjerozapadźe kraja při brjohach Ćicheho oceana. Ma něhdźe 7,2 milionaj wobydlerjow na 185.000 km² a ma tuž 39 wobydlerjow na km². Stolica je Olympia ze 46.000 wobydlerjemi, najwjetše město a kulturne kaž tež hospodarske srjedźišćo pak Seattle z nimale 700.000 wobydlerjemi. Někak połojca wobydlerstwa bydli we wokolinje tutoho města. Mjeno „Washington“ pochadźa wot prěnjeho US-ameriskeho prezidenta George Washington.

Stat mjezuje z kanadiskej prowincu British Columbia na sewjeru, z Idahom na wuchodźe a z Oregonom na juhu. Na zapadźe twori pacifiski pobrjóh přirodnu hranicu. Najwyša hora Washingtona je Mount Rainier (4392 m), kiž je zdobom najwyši wjeršk Kaskadiskeho rjećaza. Najwjetša rěka je Columbia River při južnej hranicy z Oregonom. We Washingtonje su někotre aktiwne wulkany kaž na přikład Mount St. Helens, kiž wubuchny dotal posledni raz w lěće 1980.

Washington (stat) přiwza so dnja 11. nowembra 1889 jako 42. stat do unije a ma přimjeno Evergreen State („přecozeleny stat“). Hižo wot 1846 bě w US-ameriskim wobsydstwje.

Něhdźe 18 % wobydlerstwa je němskeho pochada, 11 % irskeho a 10 % maja jendźelskich prjedownikow. 12 % wobydlerjow su Hispanics.

• 
  Napohlad města Seattle z horu Mount Rainier w pozadku
• 
  Kapitol w stolicy zwjazkoweho stata
• 
  Prerija we juhowuchodnym dźělu
• 
  Při pacifiskim pobrjoze

1. ↑ United States Census Bureau: Trochowanja za 2015 (jendź.)

 Commons: Washington – Zběrka wobrazow, widejow a awdiodatajow

• Oficielne webstrony (jendź.)