Connecticut

hesło: Qui transtulit sustinet
přimjeno: Constitution State
Zakładne daty
stolica	Hartford
přestrjeń	14.357 km²
wobydlerstwo	3.590.886 (1. jul 2015)[1]
hustosć	250 wob. na km²
časowe pasmo	UTC–5 (EST)
Politika
guwerner	Dan Malloy (Dem.)
přistup do unije	9. januara 1788
Přehladna karta zwjazkoweho stata
p • d • w

Connecticut (jendźelsce  [kəˈnɛɾɪkət]a a abo kəˈnɛɾəkət) je US-ameriski zwjazkowy stat, kotryž leži na sewjerowuchodźe kraja při Atlantiskim oceanje w Nowej Jendźelskej. Ma něhdźe 3,6 milionow wobydlerjow a přestrjeń wot 14.000 km², tuž je třeći najmjeńši zwjazkowy stat. Stolica je Hartford, najwjetšej měsće pak Bridgeport (144.000 wobydlerjow) a New Haven (130.000).

Stat mjezuje z Massachusetts na sewjeru, z Rhode Island na wuchodźe a z New Yorkom na zapadźe. Na juhu twori pobrjóh Atlantiskeho oceana přirodnu mjezu. Najwyši dypk je Mount Frissell (725 m).

Connecticut přiwza so dnja 9. januara 1788 jako pjaty stat do unije, słuša tuž k 13 załoženskim statam a ma přimjeno „Constitution State“.

W lěće 2000 měješe 81,7 % wobydlerstwa jendźelšćinu za wobchadnu rěč a 8,4 % španišćinu.

Wobrazy

• 
  Statny kapitol w Hartfordźe
• 
  Hartford
• 
  W pahórčinje Barndoor Hills
• 
  Spjaty jězor Lake McDonough
• 
  Karta z lěta 1799

Žórła

1. ↑ United States Census Bureau: Trochowanja za 2015 (jendź.)

Wotkazaj

 Commons: Connecticut – Zběrka wobrazow, widejow a awdiodatajow

• Oficielne webstrony (jendź.)