Texas

hesło: Friendship („Přećelstwo“)
přimjeno: The Lone Star State
Zakładne daty
stolica	Austin
přestrjeń	695.621 km²
wobydlerstwo	27.469.114 (1. jul 2015)[1]
hustosć	39 wob. na km²
časowe pasmo	UTC–6, –7 (CST/MST)
Politika
guwerner	Greg Abbott (Rep.)
přistup do unije	29. decembra 1845
Přehladna karta zwjazkoweho stata
p • d • w

Texas ( [ˈtʰɛksəs] abo [ˈtʰɛksɪs]a a) je US-ameriski zwjazkowy stat, kotryž leži na juhu kraja, při Mexiskim golfu. Ma něhdźe 25 milionow wobydlerjow na 695.000 km² a je tuž po ludnosći kaž tež po přestrjeni druhi najwjetši zwjazkowy stat. Stolica a z 865.000 wobydlerjemi štwórte najwjetše město je Austin, najwjetše město pak Houston (2,1 milion) na juhowuchodźe Texasa.

Stat mjezuje z Oklahomu na sewjeru, Arkansasom na sewjerowuchodźe, Louisianu na wuchodźe a z New Mexico na zapadźe. Na juhu twori Rio Grande přirodnu hranicu mjez Zjednoćenymi statami a Mexikom.

Texas přiwza so dnja 29. decembra 1845 jako 28. stat do unije a ma přimjeno „The Lone Star State“. Do toho wobsteješe wot 1836 njewotwisna Texaska republika. Srjedź 19. lětstotka bě Texas jedyn z hłownych cilow serbskich wupućowarjow z Łužicy, kiž załožichu tam pod wjednistwom Jana Kiliana swoje sydlišćo Serbin, hdźež so serbske tradicije zdźěla hač do dźensnišeho haja.

W lěće 2005 měještej něhdźe dwě třećinje wobydlerstwa jendźelšćinu za maćeršćinu a 29,1 % španišćinu. Oficielnje nima Texas hamtsku rěč.

• 
  Karta z lěta 1718
• 
  Alamo, jedyn ze symbolow boja mjez Mexikom a Texasom
• 
  Hory w narodnym parku Big Bend
• 
  Kapitol zwjazkoweho stata
• 
  Serbski muzej w Serbinje

1. ↑ United States Census Bureau: Trochowanja za 2015 (jendź.)

 Commons: Texas – Zběrka wobrazow, widejow a awdiodatajow

• Oficielne webstrony (jendź.)