Nicodemus Tessin o Novo

Biografía
Nacemento	23 de maio de 1654 Nyköping, Suecia
Morte	10 de abril de 1728 (73 anos) Estocolmo, Suecia
Marechal Nacional da Suécia (pt)
1717 – 1727 ← Carl Piper (pt) – Magnus Julius De la Gardie (pt)  →
Datos persoais
País de nacionalidade	Suecia
Educación	Universidade de Uppsala
Actividade
Ocupación	arquitecto , pintor , debuxante
Alumnos	Jonas Erikson Sundahl (pt)
Lingua	Lingua sueca
Obra
Obras destacables (1698) Tessinska Palatset (pt) (1704) Sturefors Castle (en) (1744) Fredrik Church (en) (1760) Palácio Real de Estocolmo (pt)
Familia
Cónxuxe	Hedvig Eleonora Stenbock (1689–1714)
Fillos	Carl Gustaf Tessin (pt) , Ulrika Maria Tessin (en) , Hedvig Charlotta Tessin (en)
Pai	Nicodemus Tessin o Vello

Nicodemus Tessin o Novo, nado en Estocolmo o 23 de maio de 1654 e finado o 10 de abril de 1728 na mesma cidade, foi un dos máis importantes arquitectos de Suecia arredor de 1700.

Era fillo do arquitecto da corte Nicodemus Tessin o Vello. Nicodemus Tessin foi tamén arquitecto da corte desde 1676, é arquitecto municipal de Estocolmo entre 1682–1715 e conselleiro real desde 1712. O seu fillo, o conde Carl Gustaf Tessin, foi un influente político sueco da súa época.

Foi educado polo seu pai. De 1673 a 1680 viaxou por Europa, visitando Inglaterra, Francia e Italia. En Italia, mercé a recomendación da raíña Cristina de Suecia, estudou no taller de Bernini entre 1675 e 1678. Esta viaxe de formación tería grande influencia na súa produción arquitectónica. Volto a Roma en 1687, Tessin frecuenta o estudo do pintor Giovan Battista Gaullì, dito Baciccio.

A súa principal realización foi o vasto pazo real de Estocolmo que iniciou en 1697. A morte do seu pai, proseguirá e completará o Castelo Drottningholm.

• Castelo Drottningholm, Lövö, completou a obra do seu pai.
• Castelo Steninge, Märsta (1694-98), con influencias de Vaux-le-Vicomte.
• Castelo Gottorf, en Schleswig, para o duque Friedrich IV de (Schleswig-Holstein-Gottorf).
• Pazo Real de Estocolmo, aquí con influencias de Bernini e o seu proxecto do Louvre.
• Casa do Concello de Södra, Estocolmo.
• Palacete Tessinska palatset, Estocolmo.
• Dreifaltigkeitskirche en Karlskrona, na que continúa a obra do seu pai.
• Friedrichskirche (Igrexa de Federico) en Karlskrona, de planta basilical. A fachada está inspirada en Santa Trinità dei Monti de Roma. Foi proxectada en 1690, mais a construción no se comezou ata 1720.
• Igrexa da Santa Trindade, en Karlskrona; era a igrexa da comunidade alemá residente na cidade,, polo que era coñecida como a "igrexa alemá". Ardeu en 1690, sendo reconstruída consonte o proxecto de Tessin.
• Kung Karls Kyrka (Igrexa do rei Carlos) en Kungsör
• Castelo Sturefors