Mar de Sulu
Coordenadas: 8°N 120°L / 8, 120
| Mar de Sulu | |
|---|---|
| Laut Sulú | |
 | |
| Localización administrativa | |
| Estado |  Malaisia Filipinas |
| División | Estado de Sabah (MAL) Rexiónes de Mimaro (IV-B), Visayas Centrais (VII), Visayas Occidentais (VI), Península de Zamboanga (IX) e Mindanao Musulmán (FIL) |
| Localización xeográfica | |
| Océano / Mar | Océano Pacífico |
| Continente | Sueste Asiático |
| Arquipélago | Arquipélago Malaio |
| Illa/s | Borneo, Palawan, illas Visayas, Mindanao e arquipélago de Sulu |
| Xeografía | |
| Mares contiguos | Mar da China Meridional, mar de Visayas, mar de Tayabas, mar de Bohol e mar de Célebes |
| Características | |
| Superficie | 420 000 km²[1] |
| Profundiade máxima | 7 022 m |
| Outros datos | |
| Áreas protexidas | Parque Mariño Nacional Tubbataha Reef |
| Mapa | |
.PNG) Localización do mar de Sulu, entre as illlas Visayas, as illas Mindanao, Borneo e Palawan. | |
 Localización do mar de Sulu. | |
O mar de Sulu é unha parte do océano Pacífico[2] limitada a nordeste polas illas Visayas, a leste e sueste polas de Mindanao, a suroeste pola costa norte de Borneo, onde se encontra o estado malaio de Sabah, e ao noroeste pola illa Palawan. É compartido por Malaisia e Filipinas.
Xeografía
O mar de Sulu ten como límites:
- ao noroeste, a illa de Palawan, que o separa do mar da China Meridional, co que comunica a través dos estreitos de Mindoro e de Balábac;[3]
- ao sueste, o arquipélago de Sulu, que lle separa do mar de Célebes;[4]
- ao suroeste, a illa de Borneo;
- ao noroeste, o arquipélago das Visayas, que o separa dos mares de Visayas, Tayabas e Bohol.
No mar de Sulu atópanse numerosas illas: as illas de Cuyo e Cagayán de Sulu, que forman parte da provincia de Palawan; Cagayán de Tawi-Tawi e as Turtle Islands (Illas Tartaruga) son parte da provincia de Tawi-Tawi. Neste mar tamén se localiza o Parque Mariño Nacional Tubbataha Reef, que foi declarado Patrimonio da Humanidade.[5]
A parte sur deste mar é unha conca profunda, que remonta nunha longa pendente cara á barreira de Palawan. Polo fondo discorre unha cordilleira oceánica que se estende paralela á illa de Palawan e ao arquipélago de Sulu e da que xorden formacións xeolóxicas de atoles oceánicos e plataformas de arrecifes. Os arrecifes presentan un terreo submarino que gradualmente vai inclinándose e con paredes verticais de ata 1000 metros de altura.
Politicamente, a provincia de Sulú consiste en máis de 400 illas dispersas e case deshabitadas, estendéndose desde a península de Zamboanga ata a illa de Borneo. As illas dentro deste mar conforman o arquipélago de Sulu, a parte máis meridional do arquipélago das illas Filipinas, e dividen o mar de Sulu e o mar de Célebes.
As rexións próximas ao mar son abundantes en recursos madeireiros, pero a industria máis importante é a pesqueira, sobre todo a dos cogombros de mar, ademais doutros peixes de todo tipo, perlas e especies de tartarugas mariñas que agora se atopan en perigo de extinción.
Notas
- ↑ Geo-data: The World Geographical Encyclopedia / John F. McCoy, project editor.-- 3ª ed., Thomson Gale, 2002, pag. 615. ISBN 0-7876-5581-3.
- ↑ "Mar de Sulú". MSN Encarta. Arquivado dende o orixinal o 14 de marzo de 2008. Consultado o 30 de marzo de 2008.
- ↑ "Mar Amarillo, Mar de China Oriental, Mar de China Meridional". Lighthouse Foundation. Arquivado dende o orixinal o 03 de marzo de 2012. Consultado o 30 de marzo de 2008.
- ↑ "Mar de Célebes". MSN Encarta. Arquivado dende o orixinal o 10 de marzo de 2008. Consultado o 30 de marzo de 2008.
- ↑ "Tubbataha Reef Marine Park" (en inglés). UNESCO World Heritage Centre. Consultado o 30 de marzo de 2008.
Véxase tamén
 |
Wikimedia Commons ten máis contidos multimedia na categoría: Mar de Sulu  |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
