Golfo de Campeche
| Golfo de Campeche | |
|---|---|
 | |
| Localización administrativa | |
| Estado |  México |
| División | Veracruz Tabasco Campeche Iucatán |
| Localización xeográfica | |
| Océano / Mar | Golfo de México (océano Atlántico) |
| Continente | América |
| Xeografía | |
| Illas interiores | Illa do Carmen, Caios Arcas |
| Cidades ribeiregas | Veracruz, Coatzacoalcos, Ciudad del Carmen e San Francisco de Campeche |
| Accidentes | |
| Características | |
| Superficie | 16.000 km² |
| Profundidade media | 55 m. |
| Mapa | |
  Golfo de campeche Localización do golfo | |
 Localización do golfo de Campeche (Neste mapa, como nalgúns outros, adoita confundirse o golfo de Campeche coa máis pequena baía de Campeche) | |
O golfo de Campeche (tamén chamado ás veces indebidamente Sonda de Campeche), é un amplo golfo interior que forma parte do golfo de México, situado dentro do mar territorial mexicano.
Xeografía
O golfo de Campeche atópase bordeando o litoral sur poñente da península do Iucatán e inclúe, desde o seu extremo occidental, unha parte do litoral do estado de Veracruz, todo o litoral dos estados de Tabasco e Campeche, e, no seu extremo oriental, unha pequena parte do litoral do estado do Iucatán. Hai certa confusión, por unha tradución indebida do termo en inglés, coa baía de Campeche, tal como no mapa errado que se mostra aquí á dereita, que nos mostra abaixo o golfo de Campeche, pero se rotula como baía, cando esta última é só unha enseada menor, en comparación coa conca denominada golfo de Campeche.[1]
As costas baixas e areosas do golfo de Campeche non permiten a existencia de portos marítimos de gran calado nin grandes portos naturais. Con todo, as súas lagoas costeiras, entre as que sobresaen La Machona e Mecocán, en Tabasco, e a de Términos, en Campeche, son as que determinan o gran potencial camaroneiro deste golfo. Por isto, tamén deriva a abundante pesca que se desenvolve na rexión e pola cal son explotadas especies locais como o huachinango, mero, o boquinete, o esmedregal, o cangrexo mouro, o polbo e o cazón entre outros. Polas mesmas condicións favorables, a piscicultura é unha actividade en pleno desenvolvemento a nivel rexional.[2][3]
Na extensión mariña do golfo atópanse xacementos petrolíferos, sendo os máis importantes os do Complexo Cantarell, que explótanse mediante bo número de plataformas marítimas por Petróleos Mexicanos e que contribuíron de xeito importante á produción e exportación de petróleo e derivados desde México.[4]
Notas
- ↑ Yucatán en el tiempo. Enciclopedia Alfabética. México 1999. ISBN 970-9071-04-1
- ↑ Los peces de la región
- ↑ "UNAM, anales del Instituto de Biología" (PDF). Arquivado dende o orixinal (PDF) o 07 de marzo de 2016. Consultado o 29 de setembro de 2018.
- ↑ Enciclopedia de México. Ciudad de México. 1978.
Véxase tamén
 |
Wikimedia Commons ten máis contidos multimedia na categoría: Golfo de Campeche  |
Outros artigos
Ligazóns externas
Text is available under the CC BY-SA 4.0 license; additional terms may apply.
Images, videos and audio are available under their respective licenses.
