A nogueira na cultura popular galega
A seguir, recóllese a pegada da nogueira e da noz na cultura popular galega a través de crenzas, refráns e cantigas.
A nogueira é unha árbore rica en substancias agres e taninos. As súas follas e a súa casca empregábanse nas menciñas populares coma purgante ou en doenzas da cute; ofrece ademais un efecto curandeiro de furunchos e tallos. A casca tingue dun amarelo pardo os tecidos e a madeira é moi estimada en ebanistaría pola súa fibra magra, pola dureza e polo veado característico.
Refraneiro
[editar | editar a fonte]- Ano de noces, ano de voces [1][2].
- En marzo abrigo, noces e pan de millo.
- En marzo, abrigo, noces e pan trigo [3].
- En marzo, abrigo, noces, pan e trigo.
- En marzo, ó abrigo con noces e pan trigo.
- No marzo, abrigo, noces e pantrigo.
- Pan e noces saben a amores [4].
- Polo San Martiño andan as noces a roliño [5].
- Polo san Xil nogueiras a espelir [6]
- Por santa Tecla abala a nogueira [7]
Cantigueiro
[editar | editar a fonte]- Anque vos son pequeniña/ como o rabo dunha noz,/ anque vos son pequeniña/ quédome rindo de vós [8].
- Do outro lado do río/ ten meu pai un castiñeiro/ que dá castañas e noces/ i aceitunas no xaneiro [9].
- Eres alta coma un ovo,/ redonda coma unha noz,/ blanca coma o chiculate,/ buenas noches nos dé Dios! [10].
- O carballo ten a folla/ i a nogueira non a ten;/ agora xa eu coñezo/ a muller de “Val quen ten” [11].
Notas
[editar | editar a fonte]- ↑ Real Academia Galega 1913, s. v. ano.
- ↑ Eladio Rodríguez González, s. v. ano.
- ↑ Saudade nº 3, maio 1943, 24-25.
- ↑ Eladio Rodríguez González, s. v. pan.
- ↑ Eladio Rodríguez González, s. v. San Martiño.
- ↑ San Xil, 1 de setembro; é patrón de Bóveda, onde se celebra o día seguinte.
- ↑ Santa Tegra (Tecla, Tecra, Trega, Técola), 23 de setembro.
- ↑ Xaquín Lorenzo Fernández, 41. No orixinal: de unha.
- ↑ Xaquín Lorenzo Fernández, 72.
- ↑ Xaquín Lorenzo Fernández, 75.
- ↑ Xaquín Lorenzo Fernández, 116.
Véxase tamén
[editar | editar a fonte]Bibliografía
[editar | editar a fonte]- ANÓNIMO: Saudade. Verba Galega nas Américas México 1942-1953. Ed. facsímile do Centro Ramón Piñeiro 2008, nº 3, maio 1943, 24-25.
- LORENZO FERNÁNDEZ, Xaquín: Cantigueiro popular da Limia Baixa, Galaxia, Vigo 1973.
- REAL ACADEMIA GALLEGA: Diccionario gallego-castellano, 1913-1928.
- RODRÍGUEZ GONZÁLEZ, Eladio: Diccionario enciclopédico gallego-castellano, Galaxia, Vigo 1958-1961.
Etnografía galega | |
|---|---|
| Meses do ano | |
| Cores | |
| Animais | |
| Alimentos | |
| Vexetais | |
| Outros | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
