Cyril Ramaphosa
Irudi gehiago
Afrikar Batasuneko presidente 2020ko otsailaren 10a - 2021eko otsailaren 6a ← Abdel Fatah al-Sisi - Félix Tshisekedi → Hegoafrikako Biltzar Nazionaleko kidea 2019ko maiatzaren 22a - 2019ko maiatzaren 22a Hautetsia: 2019 South African general election (en) 5. Hegoafrikako presidentea 2018ko otsailaren 15a - ← Jacob Zuma Hegoafrikako presidenteordea 2014ko maiatzaren 26a - 2018ko otsailaren 15a Hegoafrikako Biltzar Nazionaleko kidea 2014ko maiatzaren 21a - 2018ko otsailaren 15a Hautetsia: 26th South African Parliament (en)
Bizitza
Jaiotza	Soweto, 1952ko azaroaren 17a (71 urte)
Herrialdea	Hegoafrika
Lehen hizkuntza	vendera
Familia
Aita	Tshivhase Samuel Ramaphosa
Ama	Nyamuofhe Erdmuth Ramaphosa
Ezkontidea(k)	Tshepo Motsepe (en)
Hezkuntza
Heziketa	Harvard Unibertsitatea Damelin (en) Yale Unibertsitatea Hegoafrikako Unibertsitatea
Hezkuntza-maila	Bachelor of Laws (en) psikologo klinikoa
Hizkuntzak	vendera ingelesa zuluera xhosera pediera
Jarduerak
Jarduerak	politikaria, sindikalista, enpresaburua eta ekintzailea
Parte-hartzailea World Economic Forum Annual Meeting 2018 (en) World Economic Forum Annual Meeting 2019 (en) World Economic Forum Annual Meeting 2023 (en)
Jasotako sariak	ikusi Olof Palme Saria  (1987) honorary doctorate of the University of Cape Town National Order of Merit Order of King Abdulaziz al Saud National Order of the Lion of Senegal Order of the Bath
Kidetza	South African Students' Organization (en) Black People's Convention (en)
Sinesmenak eta ideologia
Erlijioa	kristautasuna
Alderdi politikoa	Afrikako Kongresu Nazionala

Matamela Cyril Ramaphosa (Soweto, Transvaal probintzia, 1952ko azaroaren 17a) hegoafrikar politikari, enpresari, ekintzaile eta sindikatu-burua da. 2018ko otsailetik Hegoafrikako Errepublikako presidentea da.^[1]

Cyril Ramaphosa 1952ko azaroaren 17a jaio zen Soweton.^[2] 1972an, Zuzenbidea ikasten hasi zen Limpopoko Unibertsitatean, baina bi urte geroago kartzelan sartu zuten Frelimo Mozanbikeko taldearen antikolonialistaren alde aritzeagatik.^[3] 1976an, Sowetoko altxaldiaren ondoren, berriz atxilotu eta espetxeratu zuten. 1981ean amaitu zuen Zuzenbideko Gradua Hegoafrikako Unibertsitatean.

1982-1991 bitartean, Meatzarien Batasun Nazionala sindikatuko idazkari nagusia izan zen; urte horietan, Pieter Botharen gobernuaren aurkari nagusietako bat izan zen, eta 1986an Londresera ihes egin behar izan zuen. 1987an, meatzarien grebarik handiena gidatu zuen eta, urte hartan bertan, Olof Palme saria jaso zuen Stockholmen.^[3] 1990ean, Nelson Mandela eta beste preso politikoak kartzelatik ateratzeko lanean aritu zen, Harrera Batzorde Nazionaleko eleduna izan baitzen.^[2]

1991tik aurrera, Afrikako Kongresu Nazionalaaren (ANC) negoziazio taldeko burua izan zen bake elkarrizketetan. Nelson Mandelaren lekukoa hartuko zuela uste izan zen, haren kuttuna zela esaten baitzen, baina, lehen lerrotik baztertuta, 1997an enpresari bihurtu zen eta, denbora gutxian, herrialdeko gizon aberatsenetakoa ere —360 milioi euroko fortuna zeukan 2018an—. Hori dela eta, bere negozioen interesen alde jokatu izana egotzi zitzaion, eta baita 2012ko Marikanako sarraskian erantzukizuna izatea ere.^[2]

Politikara egin zuen salto berriz. Diputatu gisa aritu zen 2014tik, eta 2017ko abenduan Afrikako Kongresu Nazionaleko presidente izendatu zuten. Jacob Zumaren agintaldian, presidenteorde kargua bete zuen eta, 2018ko otsailaren 15ean, parlamentuak presidente izendatu zuen, Zumak dimisioa eman eta gero.^[2] 2019ko maiatzeko hauteskundeetan, berriro aukeratu zuten presidente.^[4]

i e a Hegoafrikako agintariak
Monarka (1910–1961)	Jurgi V.a Eduardo VIII.a Jurgi VI.a Elizabeth II.a
Estatu-presidentea (1961–1994) (apartheid garaian)	Charles Robberts Swart Eben Dönges† Tom Naudé* Jim Fouché Jan de Klerk* Nico Diederichs† Marais Viljoen* John Vorster Marais Viljoen P. W. Botha F. W. de Klerk
Presidentea (1994-) (apartheid ostean)	Nelson Mandela Thabo Mbeki Ivy Matsepe-Casaburri* Kgalema Motlanthe Jacob Zuma Cyril Ramaphosa
†Karguan hila *Bitartekaria