سابیر کوردستانی
سابیر کوردستانی | |
|---|---|
| لەدایکبوون | ١٩٥٥ |
| مەرگ | ١٠ی ئابی ٢٠٢٠ (٦٤–٦٥ ساڵ ژیاوە) |
| ھۆکاری مەرگ | نەخۆشیی ڤایرۆسی کۆرۆنای ٢٠١٩ |
| شوێنی گۆڕ | گۆڕستانی ڕەحیماوا، کەرکووک |
| نەتەوە | کورد |
| پیشە | گۆرانیبێژ |
سابیر محەممەد ئەحمەد ناسراو بە سابیر کوردستانی[١] (لەدایکبووی ١٩٥٥، کەرکووک[٢] - مردووی ١٠ی ئابی ٢٠٢٠، سلێمانی[٣]) گۆرانیبێژێکی کورد بوو. خاوەنی چەندین گۆرانی بوو بە زمانی کوردی، کە وەک خۆی ووتی: زۆربەی گۆرانییەکانم ڕووداوێکی ڕاستی لە پشتەوەیە، بە تایبەتیی ئەو گۆرانییانەی کە خۆم تێکستەکانیم نووسیوە.[٤] سابیر لە منداڵییەوە بەھۆی بەکارھێنانی چارەسەری پزیشکی بەھەڵە بیناییی لەدەست دا.[٢] لە ساڵی ١٩٧٠وە دەستی بە کاری ھونەری کردووە و یەکەم بەرھەمیشی لە تەلەفزیۆنی کەرکووک لە ساڵی ١٩٧١ تۆمارکردووە.[٥] لە ساڵی ٢٠٢٠، بەھۆی ڤایرۆسی کۆرۆنا کۆچی دواییی کرد.[٦]
ژیان
[دەستکاری]سابیر کوردستانى، لە ساڵی ١٩٥٥ لە شاری کەرکووک لەدایک بووە، ژیانی ھاوسەری پێکھێناوە و خاوەنی سێ کچ و کوڕێکە، ئەو ھونەرمەندە لە ساڵی ١٩٧٠ بۆ جاری یەکەم لە قوتابخانەی ئیمام قاسم لە شاری کەرکووک لە یادی دامەزراندنی یەکێتیی قوتابیانی کوردستان گۆرانی گوتووە، [٧] ھەروەھا لە ساڵی ١٩٧١ یەکەم گۆرانی لە کەناڵی تەلەفزیۆنی کەرکووک تۆمارکردووە و لە ساڵی ١٩٧٢ گۆرانییەکی لە ئێزگەی دەنگی کوردی لە بەغدا تۆمار کردووە.[٧]
لە دوورەوە ناوت بیستووم، یەکێکە لە گۆرانییە بەناوبانگەکانی سابیر کوردستانی کە لە شیعرێکی عەبدوڵڵا پەشێو وەرگیراوە. لە ئایاری ٢٠٢٠ گۆرانییەکە بە کلیپێکی نوێوە بڵاوکرایەوە.[٨]
سەرچاوەکان
[دەستکاری]- ^ هونەرمەند سابیر کوردستانی بەهۆی تووشبوونی بە کۆرۆنا کۆچی دواییکرد ٢٠ی نیسانی ٢٠٢١ لە وەیبەک مەشین، ئەرشیڤ کراوە. ماڵپەڕی ژیان، ١٠ی ئابی ٢٠٢٠، لە ڕێکەوتی ٢٣ی ئاداری ٢٠٢١ ھێنراوە.
- ^ ئ ا سابیر کوردستانی توشی کۆرۆنا بوو، ماڵپەڕی ئاوێنە، ڕۆژی ٢٩ی تەممووزی ٢٠٢٠ بڵاوکراوەتەوە.
- ^ سابیر کوردستانی گیانی لەدەست دا، ماڵپەڕی خەندان، ١٠ی ئابی ٢٠٢٠ بڵاوکراوەتەوە.
- ^ "سابیر کوردستانی کۆچی دواییکرد". rudaw.net. 2022-08-08.
- ^ "سابیر كوردستانی لە تەمەنی 65 ساڵیدا بە خۆزگەكانیەوە ماڵئاوایی كرد". mewdamedia.com. 2022-08-08.
- ^ ھونەرمەند سابیر کوردستانی بە ڤایرۆسی کۆرۆنا کۆچی دوایی کرد ١٩ی ئەیلوولی ٢٠٢٠ لە وەیبەک مەشین، ئەرشیڤ کراوە.، ماڵپەڕی خەڵک، ٢٢ی ئابی ٢٠٢٠ بڵاوکراوەتەوە.
- ^ ئ ا وەسێتی ھونەرمەندی کۆچکردوو سابیر کوردستانی ٨ی ئابی ٢٠٢٢ لە وەیبەک مەشین، ئەرشیڤ کراوە.، zamenpress.com
- ^ کلیپی نوێی ھونەرمەند سابیر کوردستانی بە بۆنەی جەژنی رەمەزان بڵاودەکرێتەوە، ماڵپەڕی کوردستان ٢٤، ڕۆژی ٢٢ی ئایاری ٢٠٢٠ بڵاوکراوەتەوە.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
