Эканоміка Турцыі ў 1980-х гадах зведала рэформу і ў цяперашні час характарызуецца значным падзелам на сектары і перавагай рынкавых адносін. Урад Эрдагана працягнуў курс на лібералізацыю эканомікі, прыватызуючы дзяржаўныя канцэрны і адчыняючы доступ на ўнутраны рынак для замежных фундатараў.

Доля прамысловасці ў эканоміцы краіны складае каля 28%, сельскай гаспадаркі — 15%, будаўніцтва — 6%, паслуг — 51%. Увогуле ў аб’ёме прамысловай вытворчасці найбольшую вагу мае апрацоўчая прамысловасць (84%, уключаючы будаўніцтва). Таксама развіты тэкстыльная, гарбарная, харчовая, хімічная, фармацэўтычная галіны, энергетыка, мэталургія, суднабудаванне, аўтамабілебудаванне і вытворчасць электрабытавых тавараў. Дынамічнай галіной з’яўляецца турызм. У цяперашні час з-за канкурэнцыі з боку краін Усходняй Азіі тэкстыльная прамысловасць Турцыі перажывае спад (-12% у 2005). З найбольш дынамічных галін можна вылучыць аўтамабільную (+9,6% у 2005) і хімічную прамысловасць (+7,2% у 2005).

Рост ВУП у 2004 склаў 8,9%, у 2005 — 5,1%, у 2006 прагназуецца 6—6,5%. Такім чынам, эканоміка цалкам аднавілася пасля крызісу 2001, калі спад склаў амаль 10%.

Дэфіцыт знешняга гандлю ў 2005 дасягнуў $43 млрд, што на 25% паказчыка 2004 года.

20% насельніцтва жывуць за мяжой галечы.

У 2005 годзе таваразварот паміж Расіяй і Турцыяй дасягнуў рэкорднага за ўсе гады паказчыка — амаль 15 млрд долараў. Па прагнозах Мінпрамэнерга РФ у 2008 годзе ён можа дасягнуць 25 млрд долараў.

Асноўны складнік расійскага экспарту прыходзіцца на паліўна-энергетычныя тавары (больш 62 %). Затым змяшчаюцца металавырабы (28,1 %), хімтавары (4 %), драўніна й цэлюлозна-папяровая прадукцыя (2,4 %), сельгаставары (1,6 %). У Турцыю паступае расійскі газ па трубаправодзе, пракладзенаму па дне Чорнага мора.

У імпарту з Турцыі пераважаюць тэкстыль і тэкстыльныя вырабы, машыны і транспартныя сродкі, прадукцыя хімічнай прамысловасці і харчовыя тавары. У апошнія гады актывізаваўся удзел турэцкіх кампаній у будаўніцтве розных аб’ектаў у Расіі. У Расіі ў цяперашні час працуе больш 150 турэцкіх будаўнічых фірм. З канца 1980-х гадоў турэцкімі фірмамі пабудавана ў Расіі каля 800 аб’ектаў.

Краіны Еўропы: Эканоміка
Азербайджан¹ Албанія Андора Аўстрыя Балгарыя Беларусь Бельгія Боснія і Герцагавіна Ватыкан Венгрыя Вялікабрытанія Германія Грузія Грэцыя Данія Ірландыя Ісландыя Іспанія Італія Казахстан² Кіпр¹ Латвія Літва Ліхтэнштэйн Люксембург Малдова Мальта Манака Нарвегія Нідэрланды Партугалія Паўночная Македонія Польшча Расія² Румынія Сан-Марына Сербія Славакія Славенія Турцыя² Украіна Фінляндыя Францыя Харватыя Чарнагорыя Чэхія Швейцарыя Швецыя Эстонія
Залежныя тэрыторыі
Азорскія астравы Аландскія астравы Гернсі Гібралтар Джэрсі Востраў Мэн Фарэрскія астравы Шпіцберген Ян-Маен
Непрызнаныя і часткова прызнаныя дзяржавы
Абхазія¹ Косава Паўднёвая Асеція¹ Прыднястроўе
¹ Часткова або цалкам у Азіі, у залежнасці ад праведзенай мяжы (en) ² У асноўным у Азіі