Старамесцкая плошча
Старамесцкая плошча Прага | |
---|---|
![]() | |
Агульная інфармацыя | |
Краіна | Чэхія |
Горад | Прага |
Акруга | Прага 1 |
Гістарычны раён | Старэ-Места |
Найбліжэйшыя станцыі метро |
Мустак, Стараместска, Намнесці Рэпублікі |
Назва ў гонар | Стара-Места |
Паштовы індэкс | 110 00 |
![]() |
Старамесцкая плошча (чэшск.: Staroměstské náměstí - Старагародская плошча) — старадаўняя плошча Прагі, размешчаная ў гістарычным цэнтры горада (Старэ-Места). Яе плошча складае каля 15 тыс. кв. м. Плошча акружана гарадскімі дамамі з фасадамі розных архітэктурных стыляў: гатычнага, рэнесансу, барока, ракако.
Гэта месца вядома яшчэ з XII стагоддзя, у той час плошча была вялікім рынкам, які стаяў на скрыжаванні еўрапейскіх гандлёвых шляхоў. У XIII стагоддзі плошча стала называцца Старым рынкам, а з XIV стагоддзя — Старамесцкі рынак. У XVIII стагоддзі плошча змяніла некалькі назваў — Старамесцкі пляц, Вялікая Старамесцкая плошча, Вялікая плошча. У 1895 годзе плошча атрымала сённяшнюю афіцыйную назву.
![](https://upload.wikimedia.org/wikipedia/commons/thumb/a/a1/Staromestske_namesti_a_radnice.jpg/220px-Staromestske_namesti_a_radnice.jpg)
Па плошчы праходзілі каралеўскія каранацыйныя працэсіі, якія пасля рухаліся ў Пражскі Град. Акрамя ўрачыстых падзей, на плошчы здараліся і трагедыі. У 1422 тут адбыліся сутыкненні, выкліканыя пакараннем смерцю правадыра пражскіх маламаёмасных Яна Жэліўскага, у 1437 годзе тут быў пакараны смерцю апошні гусіцкі гетман Ян Рогач са сваімі набліжанымі. 21 чэрвеня 1621 года на Старамесцкай плошчы прынялі смерць 27 удзельнікаў Ставаўскага супраціўлення супраць дынастыі Габсбургаў. У іх гонар на тратуары каля галоўнай ратушы, змясцілі 27 крыжоў, з сімваламі мяча і калючай кароны.
![](https://upload.wikimedia.org/wikipedia/commons/thumb/a/a8/Old-Town-Square-Prague-2009.jpg/220px-Old-Town-Square-Prague-2009.jpg)
![](https://upload.wikimedia.org/wikipedia/commons/thumb/1/12/Views_of_Prague_from_Church_of_Our_Lady_in_front_of_T%C3%BDn_tower27.jpg/300px-Views_of_Prague_from_Church_of_Our_Lady_in_front_of_T%C3%BDn_tower27.jpg)
У XIV стагоддзі на плошчы была пабудавана гарадская ратуша, а ў 1410 годзе на ратушы быў усталяваны астранамічны гадзіннік — Пражскія куранты. З 1365 года побач з плошчай стаў будавацца Тынскі храм. У 1591 годзе ў паўночнай частцы плошчы быў пабудаваны фантан Кроцынава Кашна, а ў 1650 годзе, у гонар вызвалення Прагі ад шведаў, тут быў пастаўлены Марыянскі слуп, які прастаяў да 1918 года. На месцы слупа сёння знаходзіцца мемарыяльная таблічка, а на бруку пасярод плошчы знаходзіцца паўдзённая адзнака — месца, куды падала цень ад Марыянскага слупа апоўдні сонечнага дня. Ад гэтага пункта ў мінулым ішоў адлік Пражскага часу. У канцы XIX стагоддзя плошча пашыраецца за кошт знесеных пабудоў. У 1915 годзе быў усталяваны помнік нацыянальнаму герою Чэхіі Яну Гусу. У 60-х гадах XX стагоддзя плошча стала пешаходнай зонай.
Славутасці плошчы
[правіць | правіць зыходнік]- Старамесцкая ратуша з астранамічным гадзіннікам
- Касцёл Святога Мікалая
- Помнік Яну Гусу
- Тынскі храм
- Калона ў гонар Маці Божай
Спасылкі
[правіць | правіць зыходнік]На Вікісховішчы ёсць медыяфайлы па тэме Старамесцкая плошча
Нацыянальныя помнікі культуры Чэшскай Рэспублікі: Прага | ||
---|---|---|
1962 | Віфліемская капліца • Вышаград • Палац Кінскіх • Карлаў мост са скульптурным убраннем • Каралінум • Нацыянальны музей • Нацыянальны помнік на Віткаве з магілай Невядомага салдата • Нацыянальны тэатр • Навамесцкая ратуша • Поле бітвы на Белай Горы з курганам і Летні замак Гвезда з запаведнікам • Пражскі Град • Саслоўны тэатр • Старамесцкая ратуша • Храм Дзевы Марыі прад Тынам • Чэшскія каралеўскія рэгаліі • | |
1978 | Анежскі манастыр • Манастыр на Словенах • Помнік антыфашысцкаму супраціўленню ў Кобылісах • Ганаровае пахаванне саюзных войскаў і байцоў за свабоду на Ольшанах • | |
1988, 1989 | Архіў Чэшскай кароны • Гарадзішча і кельцкі апідум Завіст • Дом мастакоў (Рудальфінум) • Грамадскі дом Прагі з Парахавой брамай • Помнік чэшскага супраціўлення 1939—1945 «Печкарна» • Страгаўскі кляштар • | |
1991, 1992 | Бржэўнаўскі кляштар • Будынкі Парламента Чэшскай Рэспублікі (Штэрнберкскі палац, Вальдштэйнскі палац, Колаўрацкі палац, Малы Фюрстэнбергскі палац, Тгунаўскі палац і інш.) • | |
1995 | Гарадзішча Шарка • Збраслаўскі манастыр • Клеменцінум • Мюлерава віла • Помнік Святому Вацлаву • Старыя яўрэйскія могілкі • Старамесцкая плошча • Старановая сінагога • Храм Святога Мікалая на Мала-Стране • | |
2006 | Веліславава біблія • Вышаградскі кодэкс • Званы і цымбалы храма Святога Віта • Пасіянал абатысы Кунгуты • Збор аўтамабіляў NW і Tatra • Сукупнасць барочных алтарных карцін Карала Шкрэты і Пятра Брандля • | |
2010 | Дом «Ля Чорнай Маці Божай» • Урывак лацінскага перакладу Далімілавай хронікі • Станцыя ачысткі сцёкавых вод • Касцёл Найсвяцейшага Сэрца Божага на Вінаградах • |
Text is available under the CC BY-SA 4.0 license; additional terms may apply.
Images, videos and audio are available under their respective licenses.