Старонка ёсць часткай правіл і рэкамендацый Вікіпедыі. Пададзеных тут норм мусяць трымацца ўсе ўдзельнікі. Аднак, нормы — не догма. Кіруйцеся здаровым сэнсам. Перад рэдагаваннем правіл і рэкамендацый упэўніцеся, што на змены ёсць кансэнсус (згода) супольнасці. Калі ёсць сумневы, спачатку абмяркуйце змены на старонцы размоў.

Скарачэнні ВП:С ВП:СПІСЫ

Сцісла: Спісы павінны быць нейтральнымі, з выразна сфармуляванай тэмай і ўступленнем, якое тлумачыць змест спіса.

Спісы — тып артыкулаў Вікіпедыі, пералікі якіх-небудзь аб’ектаў, аб’яднаных пэўнай прыкметай.

Рэкамендацыя тычыцца толькі самастойных спісаў. Некаторыя артыкулы могуць змяшчаць у сябе пералічэнні элементаў, пададзеныя спісам, такія спісы падлягаюць патрабаванням да артыкулаў, іх рэкамендацыі ніжэй не тычацца.

Спісы ў Вікіпедыі дзеляцца на тры віды — інфармацыйныя, каардынацыйныя і храналагічныя.

Інфармацыйны спіс фактычна з’яўляецца энцыклапедычным артыкулам спецыфічнага выгляду.

Ключавыя ўласцівасці інфармацыйнага спіса:

• Абавязковае ўступленне, якое апісвае спіс агулам;
• Апісанні элементаў спіса (пакуль спіс недапрацаваны, дапушчальна адсутнасць апісанняў для некаторых элементаў). Памер апісання павінен быць дастатковы для разумення сэнсу элемента спіса.

У пачатку інфармацыйнага спіса размяшчаецца шаблон ((Інфармацыйны спіс)). Добра прапрацаваныя і аформленыя інфармацыйныя спісы могуць намінавацца на статус выдатных.

Каардынацыйны спіс — службовы спіс, які змяшчае назвы артыкулаў па пэўнай тэме. Спіс можа ўключаць як існыя, так і няісныя старонкі («чырвоныя спасылкі»). У пачатку каардынацыйнага спіса размяшчаецца шаблон ((Службовы спіс)).

Каардынацыйныя спісы могуць знаходзіцца ў асноўнай прасторы назваў, быць падстаронкамі праектаў або знаходзіцца ва ўласнай прасторы ўдзельніка. Знаходжанне ў асноўнай прасторы накладвае дадатковыя патрабаванні да спісаў (апісаны ніжэй), у той час як каардынацыйныя спісы па-за асноўнай прасторай могуць не адпавядаць некаторым з гэтых патрабаванняў.

Калі праца над артыкуламі каардынацыйнага спіса скончана, ён страчвае сваю актуальнасць. У такім выпадку ён можа быць ператвораны ў інфармацыйны спіс або выдалены (пры гэтым змест можа быць перанесены ў катэгорыю або шаблон).

Храналагічны спіс змяшчае інфармацыю пра энцыклапедычна значныя падзеі за пэўны час. Храналагічныя спісы звычайна ўтвараюць сістэмы, пры гэтым, звычайна, колькасць элементаў у адным спісе не павінна быць меншай за 4-5 — калі гэта не выконваецца, спісы варта аб’ядноўваць у буйнейшыя за даўжэйшы прамежак часу. Храналагічныя спісы не павінны быць пустымі — такія спісы могуць хутка выдаляць.

Патрабаванні выцякаюць з агульных правіл і патрабаванняў да артыкулаў, у ніжэйзгаданым спісе даецца толькі іх расшыфроўка ў адносінах да спісаў.

• Спіс павінен быць нейтральным, не мусіць аднабакова апісваць той ці іншы прадмет або з’яву.
• Спіс мусіць грунтавацца на аўтарытэтных крыніцах. У выпадку, калі маюцца рознагалоссі паміж некалькімі аўтарытэтнымі крыніцамі, то ў спісе павінны быць прадстаўлены меркаванні ўсіх аўтарытэтных крыніц з улікам іх значнасці.
• Спіс мусіць выцякаць з крыніц і не грунтавацца на арыгінальнай ідэі.
• Спіс павінен мець разумную вобласць ахопу, каб у завершаным выглядзе мець разумныя памеры.
• Спіс павінен мець вызначаныя крытэрыі ўключэння. Калі яны невідавочныя з назвы старонкі, то мусяць давацца ў прэамбуле.

У выпадку, калі спіс змяшчае ў сабе хутказменлівую інфармацыю, варта выкарыстоўваць шаблон ((Актуальнасць)). Спіс, які доўгі час не абнаўляецца і не адпавядае сучасным аўтарытэтным крыніцам, можа быць выстаўлены да выдалення.

Спісы ўключаюцца ў падкатэгорыі катэгорыі Катэгорыя:Спісы. Каардынацыйныя спісы павінны таксама ўваходзіць у катэгорыю Катэгорыя:Спісы артыкулаў для каардынацыі працы, а храналагічныя — у катэгорыю Катэгорыя:Усе храналагічныя пералікі.

Правілы і рэкамендацыі Вікіпедыі (ВП:ПР)
Афіцыйна	Заява Джымі Вэйлза пра асновы Вікіпедыі Адмова ад адказнасці
Пяць слупоў (ВП:5С)	Вікіпедыя — энцыклапедыя (ВП:ЧНЗВ) Нейтральны пункт гледжання (ВП:НПГ) Свабоднае карыстанне (ВП:АП) Этыкет (ВП:Э) Няма цвёрдых правіл (ВП:ІП/ВП:ІУП)
Механізмы	Кансэнсус (ВП:КС) Перасылкі (ВП:П) Катэгарызацыя (ВП:К/ВП:КАТ) Зноскі (ВП:ЗН) Спасылкі на крыніцы (ВП:СНК) Догляд (ВП:Д/ВП:ДД) Дробная праўка (ВП:ДР) Артыкулы-сіроты (ВП:СІР) Правілы выкарыстання ботаў (ВП:ПВБ) Старонкі размоў (ВП:СР) Шаблоны (ВП:Ш) Падстаронкі (ВП:/)
Змест артыкулаў	Найменне артыкулаў (ВП:НА) Аўтарытэтныя крыніцы (ВП:АК) Значнасць (ВП:КЗ/ВП:ЗНАЧ) Значнасць асоб (ВП:ЗА/ВП:КЗА) Значнасць СМІ (ВП:КЗСМІ) Біяграфіі сучаснікаў (ВП:БС) Правяральнасць (ВП:ПРАВ) Крытэрыі добрасумленнага выкарыстання (ВП:КДВ) Пераклад (ВП:Пераклад) Накід (ВП:СТАБ) Унікайце няпэўных выразаў (ВП:УНВ) Апостраф (ВП:Апостраф) Унутраныя спасылкі (ВП:УС) Неадназначнасць (ВП:Н/ВП:СЗ) Спісы (ВП:С/ВП:СПІСЫ) Адміністрацыйны падзел Беларусі (ВП:АПБ)
Адхіленні і парушэнні	Не ўласнае даследаванне (ВП:НУД/ВП:НУДА/ВП:УД) Вандалізм (ВП:В/ВП:ВАНД) Аўтабіяграфія (ВП:АЎТА) Хуткае выдаленне (ВП:ХВ) Выдаленне старонак (ВП:ВДС)
Паводзіны	Праўце смела (ВП:СМЕЛА) Этычныя паводзіны (ВП:ЭП/ВП:ВЕТ) Зыходзьце з сумленнасці ўдзельнікаў (ВП:СУ) Не даводзьце да абсурду (ВП:НДА/ВП:НДДА) Недапушчальнасць абраз, пагроз і агрэсіі (ВП:НАПА) Правіла трох адкатаў (ВП:ПТА/ВП:3А/ВП:П3А) Вайна правак (ВП:ВАЙНА/ВП:ВПР)
Супольнасць	Функцыянаванне правіл (ВП:Правілы) Асабістая старонка ўдзельніка (ВП:АС) Вырашэнне канфліктаў (ВП:ВК) Правілы правядзення выбараў адміністратараў (ВП:ППВА) Рэкамендацыі па вядзенні парталаў (ВП:ПЛ) Рэкамендацыі па вядзенні праектаў (ВП:ПРАЕКТЫ)
Праекты правіл	Архівацыя (ВП:АРХ) Афармленне артыкулаў (ВП:АА) Лялечны тэатр (ВП:ВІРТ)