Старонка ёсць часткай правіл Вікіпедыі. Пададзеных тут норм мусяць трымацца ўсе ўдзельнікі. Перад рэдагаваннем правіл упэўніцеся, што на змены ёсць кансэнсус (згода) супольнасці. Калі ёсць сумневы, спачатку абмяркуйце змены на старонцы размоў.

Скарачэнне ВП:5С

Усе правілы і рэкамендацыі грунтуюцца на Пяці слупах якія і вызначаюць характар Вікіпедыі:

	Скарачэнне ВП:5С1 Вікіпедыя — энцыклапедыя, якая ўвабрала элементы агульных энцыклапедый, спецыялізаваных энцыклапедый і альманахаў. Усе артыкулы мусяць трымацца прынцыпу «Не ўласнае даследаванне» і імкнуцца да дакладнасці. Вікіпедыя не месца для асабістых думак, досведу, аргументаў. Вікіпедыя гэта НЕ непераборлівы збор інфармацыі. Гэта НЕ збор дробных і трывіяльных фактаў, НЕ трыбуна, НЕ месца для самарэкламы, НЕ эксперымент у анархіі ці дэмакратыі, НЕ каталог сеціўных старонак. Таксама Вікіпедыя НЕ збор арыгінальных дакументаў, НЕ слоўнік і НЕ газета, дзеля гэтага існуюць суседнія праекты Вікікрыніцы (Wikisource), ВікіСлоўнік (Wiktionary) і ВікіНавіны (Wikinews), адпаведна.
	Скарачэнне ВП:5С2 Вікіпедыя трымаецца нейтральнага пункту гледжання, што азначае, што мы імкнемся рабіць артыкулы якія не абараняюць нейкага аднаго пункту гледжання. Часам гэта азначае прадстаўленне некалькіх пунктаў гледжання; дакладнага апісання кожнага з іх; тлумачэння кантэксту для кожнага з іх, каб чытач разумеў, чый гэты пункт гледжання; і не-выстаўленне аніводнага з пунктаў гледжання як «праўды» або «найлепшага погляду». Гэта азначае цытаванне, калі гэта толькі магчыма, аўтарытэтных крыніц, якія можна спраўдзіць, і асабліва ў неадназначных тэмах. Калі ўзнікае канфлікт наконт таго, якая з версій найбольш нейтральная, лепей абвясціць час на супакойванне і азначыць артыкул як спрэчны; высвятліць усё, што трэба, на старонцы размовы і трымацца правілаў развязання спрэчак.
	Скарачэнне ВП:5С3 Вікіпедыя складаецца са свабоднага змесціва, якое можа правіць кожны. Увесь тэкст робіцца даступным на ўмовах Ліцэнзіі адкрытай дакументацыі GNU (GFDL) і можа распаўсюджвацца або быць мэтай спасылак толькі адпаведна з гэтай ліцэнзіяй. Памятайце, што артыкул можа быць праўлены кім заўгодна, і ніхто не мае ўлады над нейкім артыкулам; такім чынам, усё, што вы напішаце, можа адвольна і бязлітасна правіцца і распаўсюджвацца супольнасцю. Не ўносьце ў праект прац, якія парушаюць аўтарскія правы, або прац, якія ліцэнзуюцца спосабам, несумяшчальным з GFDL.
	Скарачэнне ВП:5С4 У Вікіпедыі належыць трымацца правіл паводзінаў: Шануйце вашых калег з Вікіпедыі, нават калі вы з імі нязгодныя. Будзьце культурнымі. Не пераходзьце на асобы і не абагульняйце празмерна. Заставайцеся спакойнымі, калі атмасфера напальваецца; заўседы шукайце кампраміс; пазбягайце войнаў правак, прытрымліваючыся правіла трох адкатаў; памятайце, што ў гэтай Вікіпедыі ёсць 244 482 артыкулаў, якія можна апрацоўваць і абмяркоўваць. Выяўляйце добрую волю ў тым, каб не парушаць працу дзеля дэманстрацыі думкі, і закладаць добрую волю з боку іншых. Будзьце адкрытымі, гасціннымі і інклюзіўнымі.
	Скарачэнне ВП:5С5 Вікіпедыя не мае цвёрдых правілаў, апроч пяці агульных прынцыпаў, выкладзеных тут. Смела праўце, пераносьце, апрацоўвайце артыкулы, таму што радасць творчасці ў тым, што дасканаласць не патрабуецца, хоць і з’яўляецца пажаданай. І не хвалюйцеся, што нешта сапсуеце. Захоўваюцца ўсе папярэднія версіі артыкулаў, таму вы не можаце выпадкова «пашкодзіць Вікіпедыю» ці беззваротна сцерці змесціва. Але памятайце — што б вы тут ні напісалі, будзе захоўвацца з магчымасцю публічнага доступу.

Правілы і рэкамендацыі Вікіпедыі (ВП:ПР)
Афіцыйна	Заява Джымі Вэйлза пра асновы Вікіпедыі Адмова ад адказнасці
Пяць слупоў (ВП:5С)	Вікіпедыя — энцыклапедыя (ВП:ЧНЗВ) Нейтральны пункт гледжання (ВП:НПГ) Свабоднае карыстанне (ВП:АП) Этыкет (ВП:Э) Няма цвёрдых правіл (ВП:ІП/ВП:ІУП)
Механізмы	Кансэнсус (ВП:КС) Перасылкі (ВП:П) Катэгарызацыя (ВП:К/ВП:КАТ) Зноскі (ВП:ЗН) Спасылкі на крыніцы (ВП:СНК) Догляд (ВП:Д/ВП:ДД) Дробная праўка (ВП:ДР) Артыкулы-сіроты (ВП:СІР) Правілы выкарыстання ботаў (ВП:ПВБ) Старонкі размоў (ВП:СР) Шаблоны (ВП:Ш) Падстаронкі (ВП:/)
Змест артыкулаў	Найменне артыкулаў (ВП:НА) Аўтарытэтныя крыніцы (ВП:АК) Значнасць (ВП:КЗ/ВП:ЗНАЧ) Значнасць асоб (ВП:ЗА/ВП:КЗА) Значнасць СМІ (ВП:КЗСМІ) Біяграфіі сучаснікаў (ВП:БС) Правяральнасць (ВП:ПРАВ) Крытэрыі добрасумленнага выкарыстання (ВП:КДВ) Пераклад (ВП:Пераклад) Накід (ВП:СТАБ) Унікайце няпэўных выразаў (ВП:УНВ) Апостраф (ВП:Апостраф) Унутраныя спасылкі (ВП:УС) Неадназначнасць (ВП:Н/ВП:СЗ) Спісы (ВП:С/ВП:СПІСЫ) Адміністрацыйны падзел Беларусі (ВП:АПБ)
Адхіленні і парушэнні	Не ўласнае даследаванне (ВП:НУД/ВП:НУДА/ВП:УД) Вандалізм (ВП:В/ВП:ВАНД) Аўтабіяграфія (ВП:АЎТА) Хуткае выдаленне (ВП:ХВ) Выдаленне старонак (ВП:ВДС)
Паводзіны	Праўце смела (ВП:СМЕЛА) Этычныя паводзіны (ВП:ЭП/ВП:ВЕТ) Зыходзьце з сумленнасці ўдзельнікаў (ВП:СУ) Не даводзьце да абсурду (ВП:НДА/ВП:НДДА) Недапушчальнасць абраз, пагроз і агрэсіі (ВП:НАПА) Правіла трох адкатаў (ВП:ПТА/ВП:3А/ВП:П3А) Вайна правак (ВП:ВАЙНА/ВП:ВПР)
Супольнасць	Функцыянаванне правіл (ВП:Правілы) Асабістая старонка ўдзельніка (ВП:АС) Вырашэнне канфліктаў (ВП:ВК) Правілы правядзення выбараў адміністратараў (ВП:ППВА) Рэкамендацыі па вядзенні парталаў (ВП:ПЛ) Рэкамендацыі па вядзенні праектаў (ВП:ПРАЕКТЫ)
Праекты правіл	Архівацыя (ВП:АРХ) Афармленне артыкулаў (ВП:АА) Лялечны тэатр (ВП:ВІРТ)