Варонежская вобласць
Герб[d] Сцяг
Краіна	Расія[3]
Уваходзіць у	Расія (1991—?)[1]
Адміністрацыйны цэнтр	Варонеж
Дата ўтварэння	13 чэрвеня 1934
Кіраўнік	Аляксандр Віктаравіч Гусеў[d]
Насельніцтва	▼2 284 671 чал. (1 студзеня 2023)
Плошча	52 400 км²
Часавы пояс	MSD, Еўропа/Масква[d][2] і UTC+03:00
Код ISO 3166-2	RU-VOR
Тэлефонны код	473
Код аўтам. нумароў	36 і 136
Афіцыйны сайт (руск.)
Медыяфайлы на Вікісховішчы

Варонежская вобласць — суб’ект Расійскай Федэрацыі, размешчаны на поўдні Цэнтральнай Расіі на мяжы з Украінай.

Вобласць размешчана ў цэнтральнай паласе еўрапейскай часткі Расіі. Клімат на тэрыторыі вобласці — умерана-кантынентальны са сярэднегадавой тэмпературай ад +5,0 °C на поўначы вобласці да +6,5 °C на поўдні. На тэрыторыі вобласці размешчана 738 азёр і 2408 прудоў, працякае 1343 ракі даўжынёй больш за 10 км. Галоўная рака — Дон, 530 з сваіх 1870 км яна працякае па тэрыторыі вобласці, утвараючы басейн плошчай 422 000 км².

Асноўным па значэнні рэсурсам вобласці з’яўляюцца звычайныя, а таксама магутныя і тучныя чарназёмы, якія займаюць асноўную частку тэрыторыі рэгіёна. Мінеральна-сыравінная база Варонежскай вобласці прадстаўлена радовішчамі неруднай сыравіны, у асноўным будаўнічымі матэрыяламі (пяскі, гліны, мел, граніты, цэментавая сыравіна, охра, вапняк, пясчанік) асабліва ў заходніх і паўднёвых раёнах рэгіёна. На тэрыторыі Семілуцкага, Хахольскага і Ніжнядзевіцкага раёнаў вобласці ёсць запасы фасфарытаў. Вобласць валодае практычна неабмежаванымі запасамі мелу.

Колькасць насельніцтва 2 313 600 чал. (2006), шчыльнасць 44,3 чал./кв. км. Нацыянальны склад: рускія (96,8 %), украінцы (3,2 %), армяне (0,4 %), беларусы (0,2 %) і іншыя. Асноўныя гарады: Варонеж, Барысаглебск, Росаш, Ліскі.

Па структуры гаспадаркі Варонежская вобласць індустрыяльна-аграрная. У складзе прамысловасці пераважаюць машынабудаванне, электраэнергетыка, хімічная індустрыя і галіны па перапрацоўцы сельскагаспадарчай сыравіны. На іх прыходзіцца 4/5 агульнага аб’ёму выпусканай прамысловай прадукцыі. Галіной спецыялізацыі рэгіёна з’яўляецца харчовая прамысловасць (27 %), другое месца займаюць машынабудаванне і металаапрацоўка (23 %), трэцяе месца — электраэнергетыка (18 %).

Прамысловасць вобласці спецыялізуецца на вытворчасці станкоў, экскаватараў, металічных маставых канструкцый, кавальска-прэсавага і горана-абагачальнага абсталявання, электроннай тэхнікі (у тым ліку тэлевізараў), пасажырскіх самалётаў-аэробусаў, сінтэтычнага каўчука і шын, вогнетрывалых вырабаў, цукра-пяску, маслабойна-тлушчавай і мясной прадукцыі. На базе выведанай мінеральнай сыравіны ў Варонежскай вобласці працуе шэраг горназдабываючых прадпрыемстваў, найбольш буйнымі з якіх з’яўляюцца ААТ «Паўлаўскграніт», ААТ «Варонежскае рудаўпраўленне», Семілуцкі і Варонежскі камбінаты будматэрыялаў, ААТ «Падгоранскі цэментнік», ЗАТ «Капанішчанскі камбінат будматэрыялаў», Жураўскі охравы завод і іншыя. У вобласці ідзе засваенне мінеральных падземных вод.

Варонежская вобласць — буйны пастаўшчык сельскагаспадарчай прадукцыі: яна вырабляе збожжа (у асноўным пшаніцу), цукровы бурак, сланечнік і іншыя тэхнічныя культуры, бульбу і гародніну. У цэлым профіль сельскай гаспадаркі — бураковы з пасевамі сланечніка і зерневых культур, малочна-мясной жывёлагадоўляй, свінагадоўляй і авечкагадоўляй. Сярэднедушавы каэфіцыент па вытворчасці круп — 2,4 (дадзеныя 2002 г.), цукра-пяску 4,2.

• Мікалай Іванавіч Арынчын
• Анатоль Міхайлавіч Брагін
• Аляксандр Міхайлавіч Кішчанка
• Барыс Аляксеевіч Крэпак
• Альберт Міхайлавіч Макашоў
• Дзмітрый Міхайлавіч Яблачкін, Герой Савецкага Саюза
• Іван Сяргеевіч Краўчанка (1902—1979) — беларускі гісторык

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).

	Варонежская вобласць на Вікісховішчы

• Афіцыйны сайт адміністрацыі вобласці Архівавана 6 мая 2008.
• Абласная дума Архівавана 22 студзеня 2012.
• Навіны вобласці

Варонежская вобласць
Раёны	Альхавацкі Аннінскі Астрагожскі Баброўскі Багучарскі Бутурлінаўскі Вараб’ёўскі Верхнемамонскі Верхняхаўскі Грыбанаўскі Калачэеўскі Каменскі Канцяміраўскі Кашырскі Ліскінскі Наваусманскі Ніжнядзевіцкі Новахапёрскі Паворынскі Падгоранскі Панінскі Паўлаўскі Петрапаўлаўскі Рамонскі Рап’ёўскі Расашанскі Семілуцкі Талаўскі Хахольскі Цярноўскі Эрцільскі
Гарады	Астрагожск Баброў Багучар Барысаглебск Бутурлінаўка Варонеж Калач Ліскі Новаваронеж Новахапёрск Паворына Паўлаўск Росаш Семілукі Эрціль
Пгт	Альхаватка Анна Грыбанаўскі Давыдаўка Каменка Канцяміраўка Латная Ніжні Кісляй Новахапёрскі Падгоранскі Паніна Пералёшынскі Рамонь Стрэліца Талавая Хахольскі Ялань-Каленаўскі
Сёлы — цэнтры раёнаў	Вараб’ёўка Верхні Мамон Верхняя Хава Кашырскае Ніжнядзевіцк Новая Усмань Петрапаўлаўка Рап’ёўка Цярноўка

Адміністрацыйны падзел Расіі
Рэспублікі	Адыгея Алтай Башкартастан Бурація Дагестан ДНР1 Інгушэція Кабардзіна-Балкарыя Калмыкія Карачаева-Чаркесія Карэлія Комі Крым1 ЛНР1 Мардовія Марый Эл Паўночная Асеція Татарстан Тува Удмурція Хакасія Чачня Чувашыя Якуція
Краі	Алтайскі Забайкальскі Камчацкі Краснадарскі Краснаярскі Пермскі Прыморскі Стаўрапольскі Хабараўскі
Вобласці	Амурская Арлоўская Архангельская Арэнбургская Астраханская Белгародская Бранская Валагодская Валгаградская Варонежская Запарожская1 Іванаўская Іркуцкая Калінінградская Калужская Кастрамская Кемераўская Кіраўская Курганская Курская Ленінградская Ліпецкая Магаданская Маскоўская Мурманская Наўгародская Ніжагародская Новасібірская Омская Пензенская Пскоўская Разанская Растоўская Самарская Саратаўская Сахалінская Смаленская Свярдлоўская Тамбоўская Томская Тульская Уладзімірская Ульянаўская Херсонская1 Цвярская Цюменская Чалябінская Яраслаўская
Гарады федэральнага значэння	Масква Санкт-Пецярбург Севастопаль1
Аўтаномная вобласць	Яўрэйская
Аўтаномныя акругі	Ненецкая Ханты-Мансійская Чукоцкая Ямала-Ненецкая
Скасаваныя	Агінская Бурацкая аўтаномная акруга Камчацкая вобласць Карацкая аўтаномная акруга Комі-Пярмяцкая аўтаномная акруга Пермская вобласць Таймырская (Далгана-Ненецкая) аўтаномная акруга Усць-Ардынская Бурацкая аўтаномная акруга Чыцінская вобласць Эвенкійская аўтаномная акруга
Федэральныя акругі	Далёкаўсходняя Паўднёвая Паўночна-Заходняя Прыволжская Сібірская Уральская Цэнтральная
1 — на міжнародна прызнаных тэрыторыях Украіны, анексаваных Расіяй у 2014 і 2022 гадах.