Славутасць
Будынак навукоўцаў
Будинок вчених
49°50′28″ пн. ш. 24°01′17″ у. д.HGЯO
Краіна	Украіна
Горад	Львоў
Архітэктурны стыль	барока
Архітэктар	Герман Гельмер, Фердынанд Фельнер
Дата заснавання	1898
Сайт	budynokvchenyh.lviv.ua
Медыяфайлы на Вікісховішчы

Будынак навукоўцаў, раней Шляхецкае казіно ці Казіно Герхарда — помнік архітэктуры XІХ стагоддзя ў Львове. Збудаваны ў 1897-1898 гадах як казіно і да 1939 года выконваў гэту функцыю. Сёння будынак выконвае ў асноўным рэпрэзентатыўныя функцыі, з'яўляецца месцам правядзення рознага роду ўрачыстасцей і імпрэз. Адкрыты для наведавання турыстамі.

Казіно пабудавана ў 1898 годзе па праекце венскага бюро Фердынанда Фельнера і Германа Гельмера. Скульптурнае ўбранне фасадаў выканалі аўстрыйскія скульптары Тэадор Фрыдль і Райнольд Велькель па мадэлі Рудольфа Вейра. Драўляны інтэр'ер вырабіў венгр Шандар Ярай на мясцовай фабрыцы. Жывапісныя супрапорты напісалі львоўскія мастакі Станіслаў Дэмбіцкі, Станіслаў Рэйхан, Тадэвуш Рыбкоўскі, Міхал Сазанскі. Скульптар Эдмунд Плішэўскі пры ўдзеле Юльяна Гуры вырабіў алебастравы камін у фае.

З 1948 года тут дзейнічае Львоўскі дом навукоўцаў. Савет Дома навукоўцаў узначальвае рэктар Львоўскай нацыянальнай акадэміі мастацтваў. Да 1953 года ў чатырох пакоях на першым паверсе размяшчалася Львоўскае аддзяленне Саюза архітэктараў. 14 верасня 1953 года падчас правядзення пленума па планаванні і забудове гарадоў заходніх абласцей Украіны, з-за няспраўнасці электраправодкі ў доме ўспыхнуў пажар, які нанёс дому значны ўрон. У 1954 пасля аднаўлення будынка Саюз архітэктараў быў пазбаўлены права карыстацца памяшканнем. 23 верасня 2008 года занесены ў пералік помнікаў культурнай спадчыны, якія не падлягаюць прыватызацыі. Пры Доме навукоўцаў працуюць творчыя калектывы: народная вакальна-оперная студыя, народны тэатр, узорны тэатр дзіцячай песні і інш. Інтэр'еры будынка часта выкарыстоўвалі для для здымання кіно, у прыватнасці для фільма "Д'артаньян і тры мушкецёры".

Славутасці Львова
Стары горад	Галіцкая плошча Гарадскі арсенал Глінянская брама Каралеўскі арсенал Музейная плошча Парахавая вежа Плошча Міцкевіча Плошча Рынак Плошча Стары Рынак Плошча Яворскага Праспект Свабоды Ратуша Саборная плошча
Храмы	Армянскі сабор Вежа Карнякта Дамініканскі сабор Капліца Трох Свяціцеляў Касцёл езуітаў Касцёл і кляштар кармелітаў босых Касцёл Марыі Снежнай Касцёл Святога Яна Хрысціцеля Касцёл Святога Мікалая і кляштар трынітарыяў Касцёл Святой Марыі Магдалены Лацінскі катэдральны сабор Праабражэнская царква Сабор Святога Юра Свята-Георгіеўская царква Успенская царква Царква Святой Ганны Царква Святога Мікалая Царква Святых Вольгі і Лізаветы Касцёл і кляштар бернардзінцаў
Палацы	Будынак Галіцкага намесніцтва Будынак навукоўцаў Камяніца Вайнароўскіх Палац армянскіх архіепіскапаў Палац Бандзінэлі Палац Бельскіх Палац грэка-каталіцкіх мітрапалітаў Палац губернатараў Палац Карнякта Палац лацінскіх архіепіскапаў Палац Любамірскіх Палац Патоцкіх Палац рымска-каталіцкіх арцыбіскупаў Палац Сяменскіх-Лявіцкіх Палац Сапегаў Палац Туркулаў-Камела
Паркі	Высокі замак Парк Івана Франка Святаюрскі парк Стрыйскі парк
Іншае	Аптэка-музей Галоўны чыгуначны вакзал Лычакіўскія могілкі Оперны тэатр Політэхніка Тэатр Занькавецкай Універсітэт Цытадэль Шаўчэнкаўскі гай