Д’Артаньян і тры мушкецёры
Жанр	музычны фільм[d], фільм плашча і шпагі[d], тэлесерыял — экранізацыя рамана[d] і тэлекамедыя[d]
Рэжысёр	Георгій Эмільевіч Юнгвальд-Хількевіч[d]
Сцэнарыст	Марк Рыгоравіч Разоўскі[d]
У галоўных ролях	Міхаіл Баярскі Веніямін Барысавіч Смехаў Валянцін Георгіевіч Смірніцкі[d] Ігар Старыгін Маргарыта Барысаўна Церахава Аляксандр Аляксеевіч Трафімаў[d] Алег Паўлавіч Табакоў Аліса Брунаўна Фрэйндліх Леў Канстанцінавіч Дураў Аляксей Глебавіч Кузняцоў[d] Яўген Аркадзевіч Данчэўскі[d] Алена Акцябраўна Цыплакова[d] Ірына Іванаўна Алфёрава[d] Барыс Клюеў Леанід Канеўскі Vladimir Balon[d] Olga Mateshko[d] Yuriy Dubrovin[d] Yury Sherstnyov[d] Viktor Pavlovsky[d] Vladimir Dolinskiy[d]
Аператар	Аляксандр Мікалаевіч Палыннікаў[d]
Кампазітар	Максім Ісаакавіч Дунаеўскі[d]
Кінакампанія	Адэская кінастудыя
Працягласць	249 хв.
Краіна	СССР
Мова	руская
Год	1978
Наступны фільм	Мушкецёры праз дваццаць гадоў[d]
IMDb	ID 0076998

«Д’Артанья́н і тры мушкецёры» (руск.: Д’Артаньян и три мушкетёра) — папулярны савецкі трохсерыйны музычна-прыгодніцкі тэлефільм па матывах рамана «Тры мушкецёры» Аляксандра Дзюма-бацькі. Рэжысёр — Георгі Юнгвальд-Хількевіч.

Здымкі фільма адбываліся ў 1978 годзе ў Львове^[1], Адэсе, Свірскім замку^[2], замках у Падгорцах і Хоціне. Тэлепрэм’ера на Цэнтральным тэлебачанні СССР адбылася 25 снежня 1979 года.

У 1990—2000-х гадах выйшлі на экраны 3 працягі фільма:

• 1992 — «Мушкецёры праз дваццаць гадоў»
• 1993 — «Тайна каралевы Ганны, або Мушкецёры праз трыццаць гадоў»
• 2008 — «Вяртанне мушкецёраў, або Скарбы кардынала Мазарыні».

Бедны гасконскі шляхціч д’Артаньян адпраўляецца ў Парыж, каб трапіць у роту каралеўскіх мушкецёраў. У Мэнге ён трапляе на загадкавага чалавека, распачынае бойку і губляе рэкамэндацыйны ліст, адрасаваны графу дэ Трэвілю. У Парыжы ён заўважае таго таямнічага мужчыну і гоніцца за ім. Па дарозе ён штурхае параненага Атоса, выпадкова зневажае Партоса і Араміса, і ўсе яны па чарзе выклікаюць д’Артаньяна на дуэль. На месцы прызначанай сустрэчы высвятляецца, што тры мушкецёры — тры сардэчныя сябры, а Араміс і Партос робяцца секундантамі Атоса. Дуэль, аднак, перарваная з'яўленнем нараду гвардзейцаў кардынала пад камандаваннем спадара дэ Жусака. Мушкецёры прымаюць рашэнне ўчатырох атакаваць гвардзейцаў і перамагаюць. Пасля гэтага д’Артаньян становіцца сябрам Атоса, Партоса і Араміса. Чацвёра сяброў распачынаюць супрацьстаянне з усёмагутным кардыналам Рышэльё і падступнай Міледзі, уратоўваюць гонар каралевы Францыі і ўдзельнічаюць у вайне з Англіяй і ў аблозе Ла-Рашэлі. Па сканчэнні аблогі Атос, Партос і Араміс збіраюцца пакінуць вайсковую службу, а д’Артаньян становіцца лейтэнантам каралеўскіх мушкецёраў. Сябры дамаўляюцца сустрэцца роўна праз дваццаць гадоў.

• 1-я серыя — «Атос, Партос, Араміс і Д’Артаньян»;
• 2-я серыя — «Падвескі каралевы»;
• 3-я серыя — «Прыгоды працягваюцца».

• Міхаіл Баярскі — д’Артаньян
• Веніямін Смехаў — Атос
• Валянцін Смірніцкі — Партос
• Ігар Старыгін — Араміс (агучваў Ігар Ясуловіч)
• Маргарыта Церахава — Міледзі
• Аляксандр Трафімаў — кардынал Рышэльё (агучваў Міхаіл Казакоў, песні выконваў сам Аляксандр Трафімаў)
• Ірына Алфёрава — Канстанцыя Банасьё (агучвала Анастасія Вярцінская, песні выконвала Алена Дрыяцкая)
• Барыс Клюеў — Рашфор
• Алег Табакоў — кароль Людовік XIII
• Аліса Фрэйндліх — каралева Ганна Аўстрыйская
• Леў Дураў — дэ Трэвіль
• Уладзімір Балон — дэ Жусак
• Алена Цыплакова — Кеці (песні выконвала Алена Дрыяцкая)

• Д’Артаньян і тры мушкецёры на сайце «Internet Movie Database» (англ.)
• 4 мушкецёры на Ucoz.Ru (руск.)
• Песні з фільму
• Неафіцыйная бачына (руск.)
• «Наш фільм» Архівавана 26 верасня 2007.
• Фота натурных здымак у Львове(недаступная спасылка)
• Здымкі ў Свірскім замку
• Звесткі пра фільм, кадры, анімацыя (руск.)
• Мир Тесен (руск.)