Храм
Касцёл езуітаў
Костел єзуїтів / Церква святих апостолів Петра й Павла
49°50′29″ пн. ш. 24°01′45″ у. д.HGЯO
Краіна	Украіна
Горад	Львоў, вул. Тэатральная, 13.
Канфесія	уніяцтва
Ордэнская прыналежнасць	езуіты
Тып будынка	базіліка
Архітэктурны стыль	барока
Архітэктар	Giacomo Briano[d]
Дата заснавання	1630
Сайт	petrapavla.org.ua
Медыяфайлы на Вікісховішчы

Касцёл езуітаў, сёння — Царква Святых апосталаў Пятра і Паўла, таксама вядомы як Гарнізонны храм — дзеючы храм, які знаходзіцца ў карыстанні Украінскай грэка-каталіцкай царквы, помнік гісторыка-культурнай спадчыны нацыянальнага значэння, адно з найбольш значных культавых збудаванняў і першы помнік барочнай архітэктуры ў Львове, збудаваны ў 1610-1630 гадах італьянскім архітэктарам Джакама Брыяна.

Фундатарка сучаснага храма Эльжбета Люцыя Сеняўская ў 1607 годзе для будаўніцтва касцёла езуітаў у Львове ахвяравала 40 тысяч злотых. 31 ліпеня 1610 года адбылося асвячэнне краевугольнага каменя каталіцкім арцыбіскупам Янам Замойскім.

Аўтар першапачатковага праекта невядомы. У 1613—1614 гадах будаўніцтвам кіраваў Себасцьян Ламхіўс. Калі ў 1618 годзе Джакама Брыяна прыбыў у Львоў, сцены касцёла ўжо былі выведзеныя на тры локці. Ён не распрацоўваў новага праекта, а толькі дэталёва прапрацаваў існуючы і перайначыў інтэр’ер. Ён, выхаваны на узорах італьянскай архітэктуры, унёс у будынак касцёла формы, якія ўпершыню склаліся ў схеме фасада царквы Іль Джэзу ў Рыме. Гэтая схема распаўсюдзілася ў еўрапейскай архітэктуры XVII стагоддзя і стала характэрнай для стылю барока.

З паўднёвага боку апсіды ў 1702 годзе была збудаваная чатырохгранная вежа, якая стала самай высокай у горадзе. Яна была разабрана ў 1830 годзе за страху разбурэння пасля падзення 14 ліпеня 1826 года вежы Львоўскай ратушы. Скульптар Томас Гутэр сумесна з Конрадам Кутшэрайтэрам ў 1736—1737 гадах рабіў алтары для касцёла.

У 1740 годзе праведзена грунтоўная рэканструкцыя, сродкі для якой надалі каронны канюшы Юрый Станіслаў Дзідушынскі і яго жонка Мар’яна Тэрэза з Замойскіх. Уласна тады на месцы бакавых капліц з’явіліся нефы, сцены і скляпенні атрымалі фрэскавы роспіс, які выканалі мастакі Францыск і Себасцьян Экштайны — выхадцы з Брно ў Маравіі.

У 1773 годзе касцёл стаў гарнізонным. У 1775—1848 гадах у касцёле езуітаў праходзілі пасяджэнні Галіцкага сейма. Пасля падзелу Рэчы Паспалітай у касцёле часам адпраўляў набажэнствы львоўскі грэка-каталіцкі біскуп Пётр Білянскі. У 1836 годзе касцёл вярнулі езуітам. Помнік архітэктуры рэстаўраваўся ў 1842, 1879 і 1896 гадах.

У 1946—2011 гадах касцёл выкарыстоўваўся як сховішча для кніг і належаў бібліятэцы імя В. Стэфаныка. 6 снежня 2011 года былы касцёл Пятра і Паўла ордэна езуітаў адкрылі для набажэнстваў. Цяпер ён з’яўляецца ўніяцкай царквою Пятра і Паўла і належыць УГКЦ. У 2016—2017 гадах пачалася маштабная рэстаўрацыя фасада і ўнутраных скульптур і роспісаў, якую запланавана завяршыць у 2022 годзе.

Славутасці Львова
Стары горад	Галіцкая плошча Гарадскі арсенал Глінянская брама Каралеўскі арсенал Музейная плошча Парахавая вежа Плошча Міцкевіча Плошча Рынак Плошча Стары Рынак Плошча Яворскага Праспект Свабоды Ратуша Саборная плошча
Храмы	Армянскі сабор Вежа Карнякта Дамініканскі сабор Капліца Трох Свяціцеляў Касцёл езуітаў Касцёл і кляштар кармелітаў босых Касцёл Марыі Снежнай Касцёл Святога Яна Хрысціцеля Касцёл Святога Мікалая і кляштар трынітарыяў Касцёл Святой Марыі Магдалены Лацінскі катэдральны сабор Праабражэнская царква Сабор Святога Юра Свята-Георгіеўская царква Успенская царква Царква Святой Ганны Царква Святога Мікалая Царква Святых Вольгі і Лізаветы Касцёл і кляштар бернардзінцаў
Палацы	Будынак Галіцкага намесніцтва Будынак навукоўцаў Камяніца Вайнароўскіх Палац армянскіх архіепіскапаў Палац Бандзінэлі Палац Бельскіх Палац грэка-каталіцкіх мітрапалітаў Палац губернатараў Палац Карнякта Палац лацінскіх архіепіскапаў Палац Любамірскіх Палац Патоцкіх Палац рымска-каталіцкіх арцыбіскупаў Палац Сяменскіх-Лявіцкіх Палац Сапегаў Палац Туркулаў-Камела
Паркі	Высокі замак Парк Івана Франка Святаюрскі парк Стрыйскі парк
Іншае	Аптэка-музей Галоўны чыгуначны вакзал Лычакіўскія могілкі Оперны тэатр Політэхніка Тэатр Занькавецкай Універсітэт Цытадэль Шаўчэнкаўскі гай