Айран-Брыдж («жалезны мост») — аб’ект са спіса Сусветнай спадчыны ЮНЕСКА ў Англіі і помнік прамысловай рэвалюцыі XVIII стагоддзя. Прадстаўляе сабою багатую на мінералы даліну ракі Северн ад аднайменнага маста да паселішча Колбрукдэйл і размешчаны за 50 км на паўднёвы захад ад Бірмінгема.

Айран-Брыдж — першы металічны мост у свеце, які стаў прадвеснікам прамысловай рэвалюцыі і новай архітэктуры, заснаванай на тэхнічным прагрэсе. Ён быў пабудаваны ў 1779 годзе. Спачатку жыхары ўспрынялі навінку з недаверам, але пасля таго як паводка знесла ўсе астатнія масты ў акрузе, а Айран-Брыдж устаяў, побач з ім пачаў расці гарадок.

Тут сканцэнтраваліся заводы па вытворчасці жалеза, будавалі доменныя печы, фарфоравыя і керамічныя заводы, так як у даліне здабывалі жалезную руду, гліну і вугаль.

Сёння на гэтым месцы ўнікальная музейная тэрыторыя, трапляючы на якую, можна пабываць у віктарыянскай Англіі. Можна пазнаёміцца са старажытнымі завадскімі тэхналогіямі ў дзеючых майстэрнях, можна пагуляць па горадзе, дзе жыццё той эпохі адноўлена ў падрабязнасцях — ад грошай да рэцэпта хлеба, можна пакатацца на дыліжансе, пабываць на кірмашы ці проста пагутарыць з мясцовымі жыхарамі, апранутымі па ўсіх правілах моды 150-гадовай даўніны.

Сусветная спадчына ЮНЕСКА, аб’ект № 371 рус. • англ. • фр.

• Тысяча чудес света. — СПб: ООО «СЗКЭО», 2007. — 336 с.

Сусветная спадчына ЮНЕСКА ў Вялікабрытаніі
Англія	Айран-Брыдж Бат Бленхеймскі палац Вэстмінстэрскі палац, Вэстмінстэрскае абацтва і царква Святой Маргарыты Горнапрамысловы ландшафт Корнуала і Заходняга Дэвана Дарэмскі замак і Дарэмскі сабор Кентэрберыйскі сабор, абацтва Святога Аўгусціна і царква Святога Марціна Каралеўскі батанічны сад у К’ю Парк Стадлі і разваліны Фаўнцінскага абацтва Ліверпульскі порт Лонданскі Таўэр Вал Адрыяна Прыморскі Грынвіч Солтэйр Стоўнхендж і Эўбюры Комплекс фабрык у даліне ракі Дэруэнт Юрскае ўзбярэжжа
Паўночная Ірландыя	Дарога гігантаў
Уэльс	Акведук Понткісілтэ Горнапрамысловы ландшафт Блэнавана Замкі Эдуарда I ва Уэльсе
Шатландыя	Нью-Ланарк Помнікі неаліту на Аркнейскіх астравах Вал Антаніна Сент-Кілда Стары і Новы горад у Эдынбургу
Брытанскія заморскія тэрыторыі	Сент-Джордж Астравы Гоф і Інасесібл Трыстан-да-Кунья Хендэрсан