Іньяцыа Сілонэ
Іньяцыа Сілонэ | |
---|---|
Ignazio Silone | |
![]() | |
Асабістыя звесткі | |
Імя пры нараджэнні | Secondo Tranquilli |
Псеўданімы | Ignazio Silone |
Дата нараджэння | 1 мая 1900[1][2][…] |
Месца нараджэння | |
Дата смерці | 22 жніўня 1978[1][2][…] (78 гадоў) |
Месца смерці | |
Грамадзянства | |
Месца працы | |
Прафесійная дзейнасць | |
Род дзейнасці | палітык, журналіст, раманіст, драматург, пісьменнік |
Жанр | раман |
Мова твораў | італьянская мова і нямецкая |
Грамадская дзейнасць | |
Партыя | |
Член у | |
Прэміі | Іерусалімская прэмія (1969) |
Узнагароды |
Іерусалімская прэмія[d] (1969) |
Афіцыйны сайт (італ.) | |
![]() | |
![]() | |
![]() |
Іньяцыа Сілонэ (італ.: Ignazio Silone; 1 мая 1900 — 22 жніўня 1978) — італьянскі пісьменнік, публіцыст, палітычны дзеяч сацыялістычнай арыентацыі.
Біяграфія
[правіць | правіць зыходнік]У 1911 годзе страціў бацьку, у 1915 — маці і іншых членаў сям'і падчас Авецанскага землетрасення. У 1917 уступіў у Італьянскую сацыялістычную партыю. У 1921 стаў адным з заснавальнікаў Італьянскай камуністычнай партыі. Брат Іньяцыа быў арыштаваны як член ІКП і памёр ад збіцця ў турме (1931).
У 1927 наведаў СССР. У 1930 па ідэйных меркаваннях парваў з ІКП. У яго былі выяўлены сухоты, выявіліся прыступы дэпрэсіі. У 1931—1945 жыў у Швейцарыі, пачаў актыўна займацца літаратурай. Антыфашысцкі раман «Фантамара» (1933) адразу ж з'явіўся ў перакладах на нямецкі (1933) і англійскі (1934), атрымаў высокую ацэнку Троцкага і стаў пачаткам абруцкай трылогіі Сілонэ, якая ўключыла пазней раманы «Хлеб і віно» (1937) і «Насенне пад снегам» (1943). Выступаў з публіцыстыкай, накіраванай супраць таталітарызму («Школа дыктатараў», 1938). У гады вайны ўвайшоў у швейцарскую падпольную арганізацыю, якая падтрымлівала рух Супраціўлення ў Італіі, паралельна стаў агентам разведслужбы ЗША (падпольная мянушка – Лен).
Пасля вызвалення Італіі вярнуўся на радзіму, стаў актыўным дзеячам сацыялістычнай партыі, рэдактарам газеты «Аванці». Актыўна выступаў супраць сталінізму, перайшоў на пазіцыі хрысціянскага сацыялізму. Разам з Андрэ Жыдам, Артурам Кестлерам і інш. удзельнічаў у знакамітай антытаталітарнай анталогіі «Бог, які пацярпеў крах» (1949). Браў удзел у працы міжнароднага Кангрэса за волю культуры. Пасля публікацыі матэрыялаў пра яго сувязь з амерыканскай разведслужбай (1967) адышоў ад палітыкі, засяродзіўшыся на літаратуры.
Працы
[правіць | правіць зыходнік]Раманы
[правіць | правіць зыходнік]- 1930 «Фантамара» (Fontamara)
- 1934 «Вандроўка ў Парыж» (Un viaggio a Parigi)
- 1936 «Хлеб і віно» (Pane e Vino)
- 1941 «Насенне пад снегам» (Il seme sotto la neve)
- 1952 «Жменя ажыны» (Una manciata di more)
- 1956 «Сакрэт Лукі» (Il segreto di Luca)
- 1960 «Ліса і камеліі» (La volpe e le camelie)
- 1968 «Лёс аднаго беднага хрысціяніна» (L'avventura di un povero cristiano) - прэмія Кампьела
- 1971 «Севярына» (L'avventura di un povero cristiano) - завершаны жонкай, апублікаваны пасмяротна ў 1981 годзе
Публіцыстыка
[правіць | правіць зыходнік]- 1934 «Фашызм. Паходжанне і развіццё» (Il Fascismo. Origini e sviluppo)
- 1938 «Школа дыктатараў» (La scuola dei dittatori)
- 1939 «Жывыя думкі аб Мазыні» (The living thoughts of Mazzini)
- 1944 «Дакладная цыдулка са швейцарскай турмы» (Memoriale dal carcere svizzero)
- 1965 «Яно - выйсце бяспекі» (Uscita di sicurezza)
П'есы
[правіць | правіць зыходнік]- 1944 «І ён схаваўся» (Ed egli si nascose)
- 1969 «Прыгода беднага хрысціяніна» (L'avventura di un povero cristiano)
Зноскі
- ↑ а б Ignazio Silone // ISFDB — 1995. Праверана 9 кастрычніка 2017.
- ↑ а б Ignazio Silone // Brockhaus Enzyklopädie Праверана 9 кастрычніка 2017.
- ↑ Deutsche Nationalbibliothek Record #118797220 // Агульны нарматыўны кантроль — 2012—2016. Праверана 11 снежня 2014.
- ↑ Deutsche Nationalbibliothek Record #118797220 // Агульны нарматыўны кантроль — 2012—2016. Праверана 31 снежня 2014.
Спасылкі
[правіць | правіць зыходнік] Тэматычныя сайты | ||||
---|---|---|---|---|
Слоўнікі і энцыклапедыі | ||||
Генеалогія і некрапалістыка | ||||
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.