Өфө наместниклығы (рус. Уфимское наместничество) — Өфө провинцияһы, 1782 йылда апрелда императрица Екатерина II 1781 йылда 23 декабрҙә «Өфө наместниклығын ойоштороу тураһында...» указы менән ойошторола.

Административ үҙәге — Өфө ҡалаһы.

Наместниклыҡҡа Ырымбур губернаһы территориялары инә. Төньяҡта — Пермь, төньяҡ‑көнсығышта — Тубыл наместниклыҡтары, көнсығышта һәм көньяҡта — ҡаҙаҡ йөҙҙәре, көньяҡ‑көнбайышта — Әстерхан һәм Һарытау, көнбайышта – Ҡазан һәм Сембер, төньяҡ‑көнбайышта Вятка наместниклыҡтары менән сиктәш була. Административ үҙәге — Өфө. Өфө наместниклығы үҙ эсенә 12 өйәҙҙе алған 2 өлкәгә бүленә. Ырымбур өлкә — Быҙаулыҡ өйәҙе, Верхнеурал өйәҙе,Сергиевск өйәҙе, Ырымбур өйәҙе; Өфө өлкә Боғорослан өйәҙе, Бөгөлмә өйәҙе, Бөрө өйәҙе, Бәләбәй өйәҙе, Минзәлә өйәҙе, Силәбе өйәҙе, Стәрлетамаҡ өйәҙе, Өфө өйәҙе ингән. 1784 йылда Өфө өлкә составында Троицк өйәҙе ойошторола. XVIII быуат аҙағында 13 ҡала, 3 ҡала яны, 40 ҡәлғә, 30 биҫтә, 82 ҙур ауыл, 3408 ауыл иҫәпләнә. Халҡы башлыса малсылыҡ, игенселек, солоҡсолоҡ, урман кәсептәре менән шөғөлләнгән. Архангел заводы, Белорет заводы, Благовещен заводы, Богословский заводы, Богоявленск заводы, Верхотор заводы, Воскресенка заводы, Златоуст (Косотур) заводы, Йүрүҙән‑Ивановка заводы, Ҡағы заводы, Ҡананикольск заводы, Ҡытау‑Ивановка заводы, Ҡуҫа заводы, Ҡытаутамаҡ заводы, Минйәр заводы, Өҫән‑Ивановка заводы, Преображенск заводы, Үҙән заводы, Һатҡы заводы, Эҫем заводтары, Әртә заводы, Әүжән‑Петровск заводы, 10 шарап ҡойоу заводы, 100‑ҙән ашыу поташ заводы һ.б. пр‑тиелар эшләй. Император Павел I 1796 йылда 12 декабрҙә «Дәүләтте яңынан Губерналарға бүлеү тураһында» указы менән Өфө наместниклығы [[Ырымбур губернаһы] үҙгәртелә.

Халҡы 1788 йылда — 572147 кеше.

Майҙаны — 318 мең км² тирәһе.

• Башҡортостан
• Башҡорттар
• Бәләкәй Башҡортостан
• Оло Башҡортостан
• Башҡорт Автономиялы Совет Социалистик Республикаһы
• Өфө губернаһы
• Ырымбур губернаһы
• Кантон идараһы Башҡортостанда

• Башҡорт Энциклопедияһы, Өфө наместниклығы(недоступная ссылка)