Ulawun
| Ulawun | |
|---|---|
 Passiewe stoom trek uit Ulawun. | |
| Ligging | Wes-Nieu-Brittanje, Papoea-Nieu-Guinee |
| Hoogte | 2 334 meter bo seevlak |
| Reeks | Bismarck-vulkaanboog |
| Koördinate | 5°03′00″S 151°20′00″O / 5.05000°S 151.33333°O |
| Bergtipe | Stratovulkaan |
| Laaste uitbarsting | 2019 |
  Ulawun |
|
Ulawun is 'n basaltiese en andesitiese stratovulkaan in die provinsie Wes-Nieu-Brittanje, op die eiland Nieu-Brittanje, in Papoea-Nieu-Guinee.
Die vulkaan lê sowat 130 km suidwes van die township Rabaul en is die hoogste berg in Nieu-Brittanje. Teen 2 334 m is dit die tweede hoogste berg op die Bismarckargipel en een van die aktiefste vulkane in Papoea-Nieu-Guinee. Altesaam 22 uitbarstings het al sedert die 18de eeu plaasgevind. Verskeie duisende mense woon naby die vulkaan. As gevolg daarvan en van sy geskiedenis van uitbarstings, is Ulawun aangewys as 'n Dekadevulkaan.
Onlangse aktiwiteit
In die afgelope paar jaar is daar voortdurend aktiwiteit by Ulawun, met gereelde klein ontploffings, baie skade en groot lewensverlies.
Die mees onlangse uitbarsting het op 26 Junie 2019 begin, en dit het gou in 'n sub-Pliniese uitbarsting verander, met as wat tot 19 km hoog gestyg het.[1] Meer as 5 000 mense is in veiligheid gebring en vlugte na die nabygeleë Hoskinslughawe is gekanselleer. Lawa het op drie verskillende plekke oor die Nieu-Brittanje-snelweg geloop.[2]
Vulkane in Papoea-Nieu-Guinee is van die wêreld se grootste bronne van swaeldioksied. Onlangse studies het aangetoon Ulawun alleen stel SO2 teen sowat 7 kg/s vry, wat omtrent 2% van die wêreldwye emissie van SO2 in die atmosfeer is.
Verwysings
- ↑ "Ulawun volcano news". VolcanoDiscovery. Besoek op 29 Junie 2019.
- ↑ Shelton, Tracey; Graue, Catherine (28 Junie 2019). "Papua New Guinea's Mount Ulawun volcano erupts and sends thousands of residents fleeing". ABC News. Australian Broadcasting Corporation. Besoek op 29 Junie 2019.
Skakels
Wikimedia Commons het meer media in die kategorie Ulawun.
Hierdie artikel is in sy geheel of gedeeltelik uit die Engelse Wikipedia vertaal.
.svg)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
