Swartruggens
Dorp
Ou spoorwegstasie op Swartruggens
Swartruggens  Swartruggens se ligging in Noordwes
Koördinate: 25°39′S 26°42′O / 25.650°S 26.700°O / -25.650; 26.700
Land	Suid-Afrika
Provinsie	Noordwes
Distrik	Bojanala
Munisipaliteit	Kgetlengrivier
Stigting	1875
Oppervlak [1]
• Totaal	10,74 km2 (4,15 vk. myl)
Bevolking  (2011)[1]
• Totaal	1 969
• Digtheid	183/km2 (470/vk. myl)
Rasverdeling (2011) [1]
• Wit mense	52.3%
• Indiërs/Asiërs	5.5%
• Bruin mense	1.8%
• Swart mense	39.5%
• Ander	0.8%
Taal (2011) [1]
• Afrikaans	57.4%
• Tswana	21.9%
• Engels	14.1%
• Zoeloe	1.7%
• Ander	4.9%
Poskode (strate)	2835
Poskode (posbusse)	2835
Skakelkode	014

Swartruggens^[2] is 'n dorp in die ooste van die Noordwesprovinsie, in Suid-Afrika. Dis aan die Elandsrivier geleë en die N4 loop deur die dorpie.

Die dorp is in 1875 op die plaas Brakfontein gestig. Die spoorlyn vanaf Krugersdorp na Mahikeng het die dorp teen 1907 bereik. Diamante is in 1932 noord van die dorp ontdek en 'n paar klein delwerye en myne is nog in bedryf.

Die dorp is gevorm uit die samesmelting van die twee plase Brakfontein en Scheepersrus. Die naam Swartruggens is afgelei van 'n ketting heuwels wat donker van kleur voorkom en die dorpie omring. Aanvanklik is die dorp Rodeon genoem, en selfs vandag word hierdie naam nog af en toe gebruik. In 1895 is die eerste winkel in die dorp geopen om die groeiende bevolking van alledaagse items te voorsien.

Nadat Swartruggens as 'n sentrum van veeteelt ontwikkel het, is diamantafsettings ontdek en daarna intensief ontgin, wat bygedra het tot die verdere ontwikkeling van die dorp en sy omgewing.^[2][3][4][5]

Talle wildplase kan in die omgewing rondom Swartruggens besoek word, insluitend 'n volstruisplaas waar mens volstruis kan ry. ’n Diamantmyn wat nou in onbruik is, kan ook besoek word. Die Madikwe Wildreservaat is 'n beskermde gebied in die onmiddellike omgewing van Swartruggens.

Daarbenewens is die Elandsrivier- slagveld naby die dorp, waar 'n geveg tussen Boere en Britse troepe tydens die Tweede Boereoorlog (1899–1902) plaasgevind het. Dit was een van die laaste "konvensionele" oorlogvoering-styl veldslae van die oorlog voordat die Boere hulle tot guerrilla-oorlogvoering gewend het.

Die distrik van 4 470 km² is tipiese bosveldwêreld en die belangrikste ekonomiese bedryf is beesboerdery. Lindleyspoortdam in die Elandsrivier is 20 km noord van die dorp. Die dam voorsien besproeiingswater vir die verbouing van koring en tabak. Die dorp Groot Marico is 40 km weswaarts.

• Bernice van der Westhuizen, Afrikaanse sanger-liedjieskrywer.

• Gereformeerde kerk Swartruggens
• Lys van dorpe in Suid-Afrika
• NG gemeente Swartruggens

• Op Pad in Suid-Afrika. B.P.J. Erasmus. 1995 ISBN 1-86842-026-4.

Hierdie Noordwes-verwante artikel is slegs 'n saadjie. U kan ons wikipedia help deur dit uit te brei.

l b w Bojanala Platinum-distriksmunisipaliteit, Noordwes
Setel: Rustenburg
Moretele	Makapanstad • Mathibestad • Mogogelo • Moretele • Syferskuil
Madibeng	Brits • Broederstroom • Damonsville • De Wildt • Hartbeespoort • Jericho • Kosmos • Mmakau • Modderspruit • Mooinooi • Skeerpoort • Sonop
Rustenburg	Barseba • Beestekraal • Bethanie • Freedom Park • Kroondal • Mankwe • Marikana • Phokeng • Rustenburg • Wonderkop • Zinniaville
Kgetlengrivier	Derby • Koster • Swartruggens
Moses Kotane	Dwarsberg • Goedehoop • Koffiekraal • Kraalhoek • Lesetlheng • Mabalstad • Mabeskraal • Madikwe • Mogwase • Pella • Ramokokastad • Sandfontein • Saulspoort • Silwerkrans • Sun City • Uitkyk • Vleischfontein