Skeerpoort
Nedersetting
Uitsig oor Skeerpoort vanuit 'n warmlugballon
Skeerpoort
Koördinate: 25°48′11″S 27°45′46″O / 25.80306°S 27.76278°O / -25.80306; 27.76278
Land	Suid-Afrika
Provinsie	Noordwes
Distriksmunisipaliteit	Bojanala Platinum
Plaaslike Munisipaliteit	Madibeng
Tydsone	UTC+2 (SAST)
Poskode	0232
Skakelkodes	012

Skeerpoort is 'n klein nedersetting in Noordwes, Suid-Afrika. Die naam sou te danke wees aan Hendrik Potgieter se kommando wat een Sondag hier afgesaal het, of dié van Casper Kruger wat seep en skeermesse gekoop het om hul voor te berei vir 'n besoek aan Pretoria.^[1] Reeds vanaf die laat-19de eeu het die omgewing uit 'n florerende boerderygemeenskap bestaan.^[2]

Dit is 24 km suid van Brits en 7 km suidwes van die Hartbeespoortdam geleë in oostelike Noordwesprovinsie. Enkele huise, besighede en 'n kerkgebou staan hier langs die R560-roete. Die Skeerpoortrivier loop deur die nedersetting, en sluit aan by die Magaliesrivier wat dan die Hartbeespoortdam binnevloei.

Die nedersetting word omring deur die Moot se uitgebreide boorde, besproeiingslanderye en ander boerderybedrywighede. In die nabye omgewing is kampeerplekke, fietsryroetes langs die boomryke Magaliesrivier en warmlugballonvaarte word aangebied. Die Van Gaalen Kaasmakerij kan deur die publiek besoek word, en hul produksieproses kan besigtig word.^[3] Die Ou Pastorie wat om en by 1884/5 opgerig is het aanvanklik gedien as 'n pastorie, maar was later in gebruik as 'n polisiestasie en privaatwoning, en is tans 'n restaurant en gastehuis.^[2]

• 
  Skeerpoortvallei
• 
  Uitsig oor 'n deel van die nedersetting, met die NG-kerkgebou in die middel van die beeld
• 
  'n Klipstapel merk die plek waar Christiaan de Wet die Magaliesberg tydens die Boereoorlog oorgesteek het

Wikimedia Commons bevat media in verband met Skeerpoort.

• Skeerpoortrivier

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika, Eric Rosenthal, 1967

l b w Bojanala Platinum-distriksmunisipaliteit, Noordwes
Setel: Rustenburg
Moretele	Makapanstad • Mathibestad • Mogogelo • Moretele • Syferskuil
Madibeng	Brits • Broederstroom • Damonsville • De Wildt • Hartbeespoort • Jericho • Kosmos • Mmakau • Modderspruit • Mooinooi • Skeerpoort • Sonop
Rustenburg	Barseba • Beestekraal • Bethanie • Freedom Park • Kroondal • Mankwe • Marikana • Phokeng • Rustenburg • Wonderkop • Zinniaville
Kgetlengrivier	Derby • Koster • Swartruggens
Moses Kotane	Dwarsberg • Goedehoop • Koffiekraal • Kraalhoek • Lesetlheng • Mabalstad • Mabeskraal • Madikwe • Mogwase • Pella • Ramokokastad • Sandfontein • Saulspoort • Silwerkrans • Sun City • Uitkyk • Vleischfontein