Pous Felix IV
| Pous Felix IV | |
|---|---|
_in_Santi_Cosma_e_Damiano,_Rome,_Italy_(527%E2%80%93530).jpg)
| |
| Pontifikaat begin | 12 Julie 526 |
| Pontifikaat eindig | 22 September 530 |
| Voorganger | Johannes I |
| Opvolger | Bonifatius II |
| Gebore | Samnium, Italië |
| Sterf | 22 September 530 Rome, Italië |
| Ander pouse genaamd Felix | |
Felix IV was die 54ste pous van die Rooms-Katolieke Kerk.
Biografie
[wysig | wysig bron]As gevolg van die bestaan van Teenpous Felix II word Pous Felix IV soms as Felix III (as die teenpous nie getel word nie) of as Felix III (IV) aangedui. Felix IV is gebore in Samnium, as die seun van Castorius. Op 12 Julie 526 volg hy Pous Johannes I op en regeer tot sy dood op 22 September 530. Hy word opgevolg deur Pous Bonifatius II. Die naam ‘Felix’ beteken 'die gelukkige'.
Pontifikaat
[wysig | wysig bron]Pous Felix IV is teologies bekend weens sy steun aan biskop Caesarius van Arles teen die semi-Pelagiane. Die genadeleer van die pous kom grotendeels van Augustinus en word in Julie 529 aanvaar deur die Tweede sinode van Orange. Op sy sterfbed dui Felix aartsdeken Bonifatius aan as sy opvolger. Die senaat het egter 'n edik uitgevaardig waarin bespreking van pouslike opvolging, terwyl die pous nog lewe, onwettig verklaar is, asook die aanstelling van 'n opvolger. Die verkiesing van Pous Bonifatius II as sy opvolger lei gevolglik tot kerkskeuring en Dioscurus word as teenpous gekies.
Verering
[wysig | wysig bron]Pous Felix IV is in die Sint Pieterskerk begrawe en word as heilige vereer in die Rooms-Katolieke Kerk. Sy feesdag is op 22 September.
Verwysings
[wysig | wysig bron]- Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7
Eksterne skakels
[wysig | wysig bron] |
Wikimedia Commons bevat media in verband met Felix IV. |
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- Ekumeniese Heiligesleksikon (Duits)
- CE Inskrywing in die Catholic Encyclopedia (Engels)
Nota
[wysig | wysig bron]Saamgestel en vertaal uit die Nederlandse, Engelse, Duitse en Franse wikipedia.
Opvolging
[wysig | wysig bron]| Voorafgegaan deur Johannes I |
Pous (Pontifex Maximus) 526 – 530 |
Opgevolg deur Bonifatius II |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
