Dobbertjies
| Dobbertjies | |
|---|---|
| |
| Swartnekdobbertjie (P. n. nigricollis) in Japan | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Infraklas: | |
| (geen rang): | Mirandornithes
|
| Orde: | Podicipediformes Fürbringer, 1888
|
| Familie: | Podicipedidae Bonaparte, 1831
|
| Genera | |
|
Sien teks. | |
| Diversiteit | |
| 1 familie, 6 genera, 22 spesies | |
Dobbertjies is watervoëls in die familie Podicipedidae wat aan die orde Podicipediformes behoort. Hulle het 'n wêreldwye verspreiding en kan op vars-, brak- of soutwaters voorkom.
Beskrywing
[wysig | wysig bron]_(14726831086).jpg)
Dobbertjies mag na eende of bleshoenders lyk maar verskil morfologies in etlike opsigte. Die snawel is skerp en effens sydelings afgeplat, eerder as spatelformig, en daar is geen helm teen die voorkop nie. Ook besit hulle geen lamelle teen die snawelrand vir filtervoeding nie. Hul pote is ver na agter op die liggaam geplaas (Podilymbus beteken tewens "voete by die boude"), 'n bouvorm wat nuttig is vir aandrywing tydens swem- of duikmaneuvers, maar 'n hindernis op land is. In stede van gewebde pote soos by eende, is elk van die vier tone breed gelob en los van mekaar. Hul vlerke is kort en smal, sonder die kleurryke specula van eende. Die stert is rudimentêr of bykans afwesig.
Verspreiding en habitat
[wysig | wysig bron]Dobbertjies kom op al die kontinente van die aarde voor. Hulle leef in varswater (damme of stadigvloeiende riviere), maar sommige spesies sal na soutwater (see) uitwyk terwyl hulle na ander gebiede migreer.
Gewoontes
[wysig | wysig bron]Hulle vreet meestal vis en ander ongewerwelde waterdiertjies. Party dobbertjies verloor al hulle slagvere gelyk, en dan nie vlieg alvorens die nuwes uitkom nie. Hofmakerige of mededingende mannetjies voer uitgebreide waterdanse in pare uit. Dobbertjies bou (soos langtone) drywende neste wat gewoonlik aan 'n aanliggende plant geanker is sodat dit nie wegdrywe nie. Wanneer hulle van gevaar ontkom duik hulle in die water weg eerder as om te vlieg.[1]
Taksonomie
[wysig | wysig bron]Die familie (en orde) bestaan uit 22 spesies wat in die volgende genera onderverdeel is:[2]
- Aechmophorus
- Podiceps
- Podilymbus
- Poliocephalus
- Rollandia
- Tachybaptus
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Verwysings
[wysig | wysig bron]- ↑ Chapman, Frank M. (American Museum of Natural History); Reed, Chester A. (1903). Color key to North American birds: Synopsis of Orders and Families. New York: Doubleday, Page & company. p. 9. Besoek op 14 Maart 2024.
- ↑ Gill, F., Wright, M. & Donsker, D. (2010). IOC World Bird Names (version 2.6). (en)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
