可持續能源
概述
碳中性燃料 化石燃料淘汰
節約能源
熱電聯產 有效能源利用 儲能技術 綠色建築 地源熱泵系統 微型發電
可再生能源
水力發電 太陽能 風力 生物能源 地熱 海洋能
可持續交通系統
電動交通工具 插電式混合動力車
睇 • 論 • 改 • 歷

可再生能源
	生物燃料 • 生物質能 • 地熱 水力 • 太陽能 • 潮汐能 浪能 • 風力

風力係一種能源，用風嘅動力推郁風車收集力量，以前主要係推郁磨坊，而家就通常推郁發電機。人用風車將風嘅動力轉化為旋轉力，再攞啲旋轉力去做嘢，包括發電。呢個方法係利用大自然力量產生動力，唔會產生二氧化碳。

風嘅能量豐富、近乎無盡、廣泛分佈、乾淨同可以緩和溫室效應。當空氣嘅流速越快，推動力亦會同樣增加。

人類用風能嘅歷史可以追到公元前，但係幾千年來，風能技術發展比較緩慢，所以無俾人重視。但係1973年世界石油危機，喺常規能源告急同全球生態環境惡化嘅雙重壓力下，風能先至成為新能源嘅一部分，重新有一個長足嘅發展。風能作為一種無污染同可以再生嘅一種新能源，有巨大嘅發展潛力，特別係對沿海嘅島、交通唔方便嘅較偏遠山區。最好係人口低嘅草原牧場，同遠離電網同短期內電網較難去到嘅農村、邊疆，作為解決生產同生活能源嘅一種可靠途徑。即使喺一啲發達國家，風能只係作為一種高效清潔嘅新能源同時亦日益受到重視。比如：美國能源部曾經調查過，單係德克薩斯州同南達科他州兩個州嘅風能密度就足以供應全美國嘅用電量。

喺2008年尾，風力產生1212億瓦嘅電，係全世界用量嘅1.5%。

近年，大致上，用風力發電所需成本已經降低咗好多，就算唔計其他外在成本，喺好多適當地點用風力發電嘅成本已經低過燃油嘅內燃機發電。風力發電喺2002年大概以25%比率增長，2006年增長到32%。2003年美國嘅風力發電增長超過所有發電機嘅平均增長率。由2004年起，風力發電更成為所有新式能源之中最平嘅一個。喺2005年風力能源嘅成本已降到1990年代時嘅五分之一，而且隨住大瓦數發電機嘅使用，下降趨勢重會持續。

• 佢嘅能量嚟自大自然
• 可以保護陸地同生態
• 可以循環再用，係一種環保能源