羅必信夫人大廈
 羅必信夫人大廈 | |||||||||||
|---|---|---|---|---|---|---|---|---|---|---|---|
| 所屬堂區 | 花地瑪堂區 | ||||||||||
| 房屋類型 | 社會房屋 | ||||||||||
| 房屋用途 | 住宅 | ||||||||||
| 總塔樓座數 | 1 | ||||||||||
 |
第1座 | ||||||||||
| 入伙日子 | 1966年1月1號 | ||||||||||
| 樓齡 | 58年 | ||||||||||
羅必信夫人大廈響澳門半島花地瑪堂區青洲大馬路同花地瑪教會街，係屬於房屋局嘅社會房屋。
背景
[編輯]2010年11月21號，為咗要解決住屋問題，增加公共房屋供應量，樓齡去到四十四年嘅長者社屋大廈羅必信夫人大廈同嘉翠麗大廈A座會拆卸重建做台山中街社屋項目，所以房屋局響今年開始分階段開展調遷工作，考慮到盡量延續長者租戶嘅社區脈絡同調遷需要，派員同長者租戶講解同收集意見做調遷安排，同時亦事先安排佢哋參觀即將遷入嘅筷子基長者社屋快富樓同青洲長者社屋青松樓，跟進公開抽籤確定揀樓排序名單，按次序協助長者揀單位等，整項調遷工作涉及一百零三戶響11月15號搞掂。之後拆卸準備工作亦相繼啟動，響21號開始工程圍板，圍板之後爭取響12月開展拆卸工程。為咗減少拆卸嗰陣對周邊住宅、學校同商業活動影響，相關部門早前已經委托有關單位進行環境影響評估，制定咗相關環境保護措施，包括響施工期間，圍板頂部要安裝多部霧化灑水器等，減少灰塵飛揚，經常對措施成效進行檢討。重建項目完成後，新起嘅長者社屋大樓將會佔地三千七百幾平方米，樓高三十五層，提供五百七十八個長者社屋單位，其中包括三百一十個開放式單位，二百六十八個一房一廳單位，比原來嘅一百四十個單位，加咗三倍，同時亦增設有無障礙設施照顧長者嘅出入需要。另外，地下三層地牢係公共停車場，將會提供兩百個左右嘅私家車同電單車泊位，裙樓就設有街市、長者日間中心、休憩平台等設施，從而達到更充份地利用土地資源，增加社屋供應，協助更多長者解決住屋困難同完善居住環境[1][2]。
攷
[編輯] 澳門公共房屋 | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| 社會房屋 |
| ||||||||||||||||
| 經濟房屋 |
| ||||||||||||||||
1 部分社屋響新法第10/2011號法律《經濟房屋法》實施之前經過澳督訂立第4/99/M號法令以低廉嘅價錢買返自己間社屋，而變成經濟房屋。 2 新法第10/2011號法律《經濟房屋法》設咗十六年禁止轉賣規定，過咗十六年後如果要賣間經屋，政府優先購買，兼要補返政府資助嘅金額。 3 已經拆咗。 | |||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
