南澳花園
南澳花園
| |||||||||||
|---|---|---|---|---|---|---|---|---|---|---|---|
| 所屬堂區 | 花地瑪堂區 | ||||||||||
| 房屋類型 | 經濟房屋 | ||||||||||
| 房屋用途 | 住宅 | ||||||||||
| 總塔樓座數 | 3 | ||||||||||
 |
第1座 | ||||||||||
| 入伙日子 | 1998年12月21號 | ||||||||||
| 樓齡 | 25年 | ||||||||||
|
|
第2座 | ||||||||||
| 入伙日子 | 1998年12月21號 | ||||||||||
| 樓齡 | 25年 | ||||||||||
|
|
第3座 | ||||||||||
| 入伙日子 | 1998年12月21號 | ||||||||||
| 樓齡 | 25年 | ||||||||||
| 停車場 | |||||||||||
|
|
南澳花園停車場 | ||||||||||
詳細資訊一覽
| |||||||||||
南澳花園響澳門半島花地瑪堂區黑沙環海邊馬路同東北大馬路，係屬於房屋局嘅經濟房屋。
休憩區
[編輯]2010年10月，民政總署計劃重整南澳花園休憩區，由10月29號起到11月29號諮詢社會。由於南澳花園休憩區有啲設施出現老化，民署要重整重增加設施來滿足區內居民嘅需求。工程面積九百幾平方米，主要重整休憩區嘅空間佈局同更換設施，取消原來嘅梯級同降低平台，方便老友記同殘疾人士來用。行人路地台鋪砌紅色步行磚同燒面麻石美化，亦會舉辦多啲文娛活動空間。休憩區入面加建公廁同封閉式垃圾房，重更新埋健身設備同兒童遊戲設施，增設座椅、涼亭、棋盤、狗糞箱同公共照明之類。另外響樹木數量維持唔變嘅情況下，調整而家嘅綠化帶同樹木，配合休憩區嘅整體環境[1]。
2014年4月審計署就開始就民署對休憩用途市政設施管理進行審計工作，響2016年9月22號公佈《民政總署對休憩用途市政設施之管理工作》衡工量值式審計報告發現大量設備同衛生問題，其中三個黑點包括西灣湖廣場同其他周邊地段、祐漢街市公園同南澳花園休憩區。審計報告話，民署2015年相關清潔洗費就去到四仟四百幾萬葡幣，但係當局就冇對外判清潔商做監管，搞到南澳花園休憩區攝響綠化帶同石罅入面啲垃圾，成幾個月都冇人理，影響市民來嘅興趣[2]。
意外
[編輯]2012年4月12號凌晨零點左右，有居民行過南澳花園第二座嗰時，聽到有人嗌「救命」，懷疑有人企圖跳樓，立即報警。治安警同消防員接報到場，搵到懷疑有人企跳嘅單位，但係戶主情緒激動，拒絕開門。戶主又唔認有跳樓，只係話響屋企剁豬肉餅，唔需要任何協助。根據警方了解，戶主個仔響2008年因為交通意外死咗，家庭冇咗經濟支柱，生活陷入困境。咁多年以來都冇攞到適當賠償，所以對公共部門有抗拒，拒絕接受社工跟進同唔畀警方入去單位[3]。
2015年2月7號，南澳花園附近發生火警，消防到場開喉將火救熄，事件入面冇人受傷。現場消息話，着火嘅棄置傢俬同雜物，火勢一度猛烈。消防初步調查認為火警有可疑，通知司警跟進[4]。
2017年7月25號晚黑七點四十五分，南澳花園第一座對開休憩區慕拉士前地發生墮樓案，附近一間食店員工聽到一聲巨響，出去睇吓發現一個男人瞓響地下，一啲反應都冇，立即報警處理。消防救護員接報趕到，證實個男人已經死咗，用白布遮住條屍，通知司警到場調查。司警話男死者姓阮，六十三歲，澳門居民。對屍體查驗，除咗符合由高處跌落所造成嘅傷痕之外，並冇發現其他可疑或可能由刑事引致嘅傷痕。經勘查之後，懷疑死者從工業大廈天台跌落嚟死亡，現場冇發現遺書同明顯打鬥痕跡[5]。
攷
[編輯]- ↑ （繁體中文）民署擬重整南澳花園休憩區，澳門日報，響2010年10月29號搵到。
- ↑ （繁體中文）管理休憩設施 審計署狠批民署欠積極 互聯網檔案館嘅歸檔，歸檔日期2020年3月28號，.，自己報，響2016年9月22號搵到。
- ↑ （繁體中文）南澳花園昨疑企跳，澳門日報，響2012年4月13號搵到。
- ↑ （繁體中文）南澳花園附近火警有可疑 司警調查，澳廣視，響2015年2月7號搵到。
- ↑ （繁體中文）男子墮樓亡初證無可疑 互聯網檔案館嘅歸檔，歸檔日期2017年7月29號，.，澳門日報，響2017年7月26號搵到。
 澳門公共房屋 | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| 社會房屋 |
| ||||||||||||||||
| 經濟房屋 |
| ||||||||||||||||
1 部分社屋響新法第10/2011號法律《經濟房屋法》實施之前經過澳督訂立第4/99/M號法令以低廉嘅價錢買返自己間社屋，而變成經濟房屋。 2 新法第10/2011號法律《經濟房屋法》設咗十六年禁止轉賣規定，過咗十六年後如果要賣間經屋，政府優先購買，兼要補返政府資助嘅金額。 3 已經拆咗。 | |||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
