粵語音系包括粵語嘅聲母，韻母同埋聲調。

粵語嘅聲母通常有20個左右。以下係廣州粵語同南寧粵語嘅聲母：

其中/ɬ/係廣州粵語無嘅，但係南寧粵語同好多其他粵語方言都有。

廣州同南寧嘅粵語已經無咗濁輔音，只淨返送氣同唔送氣嘅分別；但有啲粵語方言（例如四邑話同陽江話）都有濁輔音甚至複輔音。

現代標準粵語嘅元音有學者認為有8隻^[1]，有學者認為有11隻^[2]。有學者認為，粵語元音有（單純嘅）長短對立，但亦有學者認為，粵語「長元音」同「短元音」之間有音質差別，而唔單止係長短分別^[3]。此外，其中兩隻元音有人認為係/e/同/o/，亦有人認為係/ɪ/同/ʊ/^[4]。文讀音有九套韻尾，包括/-p̚/、/-t̚/、/-k̚/三套入聲韻尾。粵語入聲承陽，同部位嘅韻尾擺埋一齊，方便對照。括住嘅係非標準韻母。

喺語義角度來講，現代標準粵語有六隻聲調：陰平、陽平、陰上、陽上、陰去同陽去；粵語亦有入聲，有啲學者就將入聲分列做獨立聲調：上陰入／高陰入、下陰入／低陰入、陽入。有人將上陰入、下陰入分別叫做陰入同中入其實係錯誤叫法，爾啲調名會令人誤以為入聲喺同時三分；其實入聲由中古音到粵語先分化咗做陰陽入，陰入之後先分上下。另外，廣州話重有陽平調嘅入聲字，不過通常只會出現喺變讀，而爾啲變讀喺南寧白話幾乎唔會出現。入聲調值如果係平調，個數就齋寫一次。

同時，好多種粵語方言嘅：

• 陽平調調值係31而唔係11；
• 調值55同調值11唔係同一聲調。^{[唔該解釋係乜東東]}

同其他語言一樣，粵語聲音喺度不斷變化，過程中越來越多母語使用者將某啲音讀成遞個音。

一直以嚟，廣東話都有陽入對調呢種現象，會將陽聲韻（中文：陽聲韻）（鼻尾韻母，light rime）同入聲韻（塞尾韻母，checked rime）對調同交換讀。通常有陽入對調嘅字會以一對組合嘅形式出現，而呢啲組合好多時都有類近意思。例子有拎（l/ning1）同埋搦（l/nik1）、揈（fing6）同埋扐（fik6）、冚（kam2）同埋扱（kap1）等。

過去影響廣東話嘅一個轉變係喺19世紀末同20世紀初發生嘅齒齦音同齦齶音（有時叫齒齦後音）合流。呢種對立喺1950年代之前出版嘅好多廣東話字典同發音指南都有紀錄，但喺任何現代粵語字典中唔再區分兩者。

記錄爾種對立嘅出版物包括：

• Williams, S., A Tonic Dictionary of the Chinese Language in the Canton Dialect, 1856.
• Cowles, R., A Pocket Dictionary of Cantonese, 1914.
• Meyer, B. and Wempe, T., The Student's Cantonese-English Dictionary, 3rd edition, 1947.
• Chao, Y. Cantonese Primer, 1947.

噝音脫齶化令好多曾經唔同嘅字聽落一樣。作為比較，爾種區別仍然喺現代標準普通話中，大多數喺廣東話嘅齦齶音對應於喺普通話嘅捲舌音，例如：

儘管上述參考文獻觀察到區別，但大多數人重注意到，當時已經出現咗脫齶化現象。Williams（1856）寫：

The initials ch and ts are constantly confounded, and some persons are absolutely unable to detect the difference, more frequently calling the words under ts as ch, than contrariwise.

Cowles（1914）寫：

"s" initial may be heard for "sh" initial and vice versa.

爾種齶音化差異嘅痕蹟有時反映喺香港政府粵語拼音。例如，好多名拼寫為sh，即使sh（/ɕ/）唔再用作字音。例如「石」姓（/sɛːk˨/）通常羅馬化做Shek，同地名沙田/saː˥　tʰiːn˩/。

齦齶擦音同捲舌擦音喺普通話中互補分佈，其中齦齶擦音以前只發生/i/同/y/前，然而，普通話亦保留咗介音/i̯/同/y̯/，正如上述所舉例子。廣東話喺某啲時候喺佢歷史上已經失去咗介音，講話者降低咗區分某啲義音字嘅能力。

喺現代香港，好多年輕講話者都唔分某啲音素對，例如泥母/n/同來母/l/^{[未記出處或冇根據]}，並將一種合併到另一種，一律讀嗮/l/。雖然通常認為呢樣嘢唔正式，譴責為「懶音」，但係真係變得越來越普遍，又影響其他粵語地區（睇香港粵語）^{[未記出處或冇根據]}，但係唱歌嗰陣，大多數啲歌手都有分/n/同/l/。/ɔː/前嘅/k/同/kʷ/。