第一博弈者贏（first-player win）同第二博弈者贏（second-player win）係博弈論上嘅兩個相關概念。想像一場博弈，場博弈決定性（冇隨機性）、完全資訊、有兩位博弈者輪流做決策（例如係國際象棋）。如果話呢場博弈係「第一博弈者贏」，即係話第一位行嘅博弈者有方法（一串特定嘅選擇）可以保證自己實贏，而同一道理，如果話呢場博弈係「第二博弈者贏」，即係話第二位行嘅博弈者有方法（一串特定嘅選擇）可以保證自己實贏^[1]。