石塘、又叫石礦，或寫石壙、或者石礦場，係採石嘅地方。採出來嘅石，可以用來起樓、築城、修橋補路、填海等等。石可以有大有細，由大石、石仔到砂都有。近代採石做油水泥、石屎，多數都係起嘢用。

石塘因地質唔同，採出來嘅石料，性質都會唔同。有啲係堅石如麻石，亦有啲質似粉筆嘅粉石。

有啲石塘，喺山上越挖越深。會有雨水積成水塘，水深而涼，有啲人會去游水。不過石塘本身危石處處，又有舊機器等，游水不無風險。