珠江頻道
邊位屬下	廣東廣播電視台
開播	1983年9月30號
廣播語言	粵語[註 1]
口號	第一粵語電視頻道
總部位置	中國廣東廣州 越秀區環市東路336號
前稱	廣東電視二台（1983～1998） 廣東電視珠江台（1988～2001） 廣東電視台珠江頻道（2001～而家）
官方網站	頻道官網
收睇方法 模擬信號 有線電視 隨地區而變（限報裝廣東有線） 數碼信號 廣州有線 47 廣東有線（廣州省網） 6 U互動 隨地區而變 茂名有線 57 湛江有線 29 雲浮有線 10 東莞有線 54 佛山有線 40 深圳有線 30 天威視訊 59 中山有線 131 珠海有線 95 肇慶有線 26 番禺有線 5 增城有線 3 香港有線 29 now 537 澳門有線 209 汕頭有線 72 潮州有線 45 花都有線 17 從化有線 40

 廣東廣播電視台珠江頻道（粵拼：gwong2 dung1 gwong2 bo3 din6 si6 toi4 zyu1 gong1 pan4 dou6） ，簡稱珠江頻道，係廣東廣播電視台屬下嘅免費綜合頻道，主要播新聞、劇集、綜藝、資訊、健康、生活等節目，語言播出方面，除咗部分廣告同凌晨少部分節目屬普通話之外，其它時段都以粵語形式播出。呢個頻道喺廣東地區，唔理佢有冇裝機頂盒或插唔插有線電視都可以收到嘅電視頻道之一^{[註 2]}。

頻道主要喺18:00～19:00播新聞，每個禮拜六日19:00～20:00播《外來媳婦本地郎》，週一到五21:00～22:00或週六日21:00～21:30時段播出《今日關注》；其他黃金時段主要播出劇集（禮拜一到五）同綜藝節目（禮拜六、日）為主。凡出現重大新聞或事件直播時，頻道亦會抽嗮跟住安排落嚟嘅直播新聞同劇集、綜藝節目。

頻道喺每個月頭個禮拜五凌晨冇節目，測色板界面有管弦樂播出。

中國大陸改革開放後無耐，廣東珠三角地區成日用魚骨天線接收香港嘅本港台、翡翠台而形成慣性收視，加上廣東本土嘅電視台廣告收入低下，廣州本土凈得1間電視台兼播出時間非常短^{[註 3]}，當地政府為咗解決呢個收視情況而喺1983年9月30號新成立咗個廣東二台而正式開播。

頻道初期嗌廣東電視二台，嗰時每日凈得10:30～22:30先至有節目，期間播出語言以粵閩客普四個語言交替為主。1988年2月14號改名嗌廣東電視珠江台兼改成粵語形式播出，播出時間亦改成每日07:00～01:00先至有節目，原有嘅閩客普三種話搬嗮去嶺南台（今日嘅廣東衛視）播出。2001年取消有線電視時改嗌廣東電視台珠江頻道。2007年又將播出時間延長到凈得每個月收台檢修一次。

• 珠江頻道嘅官方網站