改革開放係1979年召開嘅中共十一屆三中全會入面提出嘅一條「對內改革、對外開放」嘅戰略決策，係中華人民共和國自成立以嚟，第一個對外開放嘅基本國策。呢一個決策扭轉咗中國大陸自1949年之後逐漸對外封閉嘅情況，令中國經濟進入咗高速發展時期。中共第二代最高領導人鄧小平被官方稱為「改革開放嘅總設計師」，而當時分別做中共總書記同政府總理嘅胡耀邦同趙紫陽亦俾外界認為係政策嘅主要推行者。