懷聖寺光塔
中華人民共和國 全國重點文物保護單位
喺邊	廣東省廣州市
類	古建築
時代	唐
冧	4-85
登錄	1996年
地圖

懷聖寺（粵拼：waai4 sing3 zi6*2），又叫光塔寺（gwong1 taap3 zi6*2）、懷聖光塔寺、龍鳳寺（lung4 fung6 zi6*2）、禮拜寺（lai5 baai3 zi6*2），係中國廣東省廣州市入面嘅一間清真寺，喺越秀區光塔路56號。間寺喺唐朝嗰陣起，係中國保存得最早嘅清真寺，亦係世界上最早嘅清真寺之一，而家係中國國家級嘅保護文物單位。懷聖寺同揚州嘅仙鶴寺、泉州嘅清淨寺、杭州嘅鳳凰寺，並列為中國四大清真古寺。呢間寺重係廣州五大伊斯蘭聖地入面嘅其中一笪地。

喺唐朝初期，伊斯蘭教先知穆罕默德就派咗4個門徒嚟中國傳教，其中宛葛素喺公元618—620年時，運海上絲綢之路嚟到廣州，佢就喺呢度開始入到中國傳教。到咗貞觀元年（627年），宛葛素同廣州住緊嘅阿拉伯人一齊捐錢起咗間清真寺嚟紀念穆罕默德，所以個名嗌做「懷聖」，沿用至今。雖然話懷聖寺喺元朝至正三年（1343年）嗰陣畀人縱火焚毀，但係7年之後（1350年）又起返。而家嘅建築係清朝康熙卅四年（1695年）重建。到咗1949年之後，懷聖寺就搞咗3次比較大規模嘅修葺，建築風格保持咗原先噉。

懷聖寺嘅塔係向南嘅，佢嘅佔地面積有2966平方米，而成間建築係用咗中國傳統嘅對稱佈局，佢喺主軸線入面整咗3棟門、睇月樓、禮拜殿同藏經閣響度。而禮拜殿喺向東嘅，而佢間嘢嘅比例、色彩同裝飾方面，都係有西亞嘅風格。

光塔就嘅正式名係嗌「懷聖塔」，喺教徒練緊經嗰陣，成日喺座塔頂度用阿剌伯話嚟讀「邦卡」（阿拉伯文：بنكا‎）嘅讀音（粵語翻譯係「大嗌」噉解），所以咪俾人嗌咗「邦卡樓」。由於嗰陣時塔重喺個珠江邊度，唐朝嗰陣，有時晚黑都可以睇到個塔頂吊住眼燈，嚟幫啲船嚟導航，所以咪嗌咗「光塔」或「番塔」嘅名囉。

而光塔係喺唐朝嘅貞觀年間起嘅，明朝初葉俾颶風吹冧咗，但係到咗1934年重新裝修座塔嗰陣，就改咗做尖頂。

而家呢度凈畀穆斯林教徒入去，唔畀社會人士入去。而教徒成日喺星期五同伊斯蘭教節嗰陣嚟拜神，尤其係廣交會期間同穆斯林嘅開齋節嗰陣，有好多阿剌伯人都嚟呢度拜神嘅。但係，懷聖寺入面嘅把守同禮品商舖入面嘅本地穆斯林都唔反對啲唔係穆斯林嘅人入去參觀嘅，主要係負責睇呢棟寺入面嘅穆斯林家庭唔畀啲人隨便參觀。另外，廣州市伊斯蘭教協會就係喺呢度。

• 電車：

人民中路站、西門口（中山六路）站、中山六路站

• 巴士：

光塔路站、人民中路站、惠福路（省醫門診部）站、西門口（中山六路）站、中山六路站

• 地鐵：

1號綫：西門口站

1. 呢間寺院凈畀全球各地嘅穆斯林佬入去，唔對外開畀其它遊客。
2. 雖然唔反對旅遊觀光隊入去睇，但入去之前一定要事先預約。
3. 寺院要求穿着方面都好嚴格。女仔唔可以着得太光，男仔都唔畀着短褲入去。
4. 寺院入面唔畀食煙同飲酒。
5. 大殿入面唔畀任何遊客入去，凈畀喺出面嗌負責人開門睇。

維基同享有多媒體嘅嘢：
Huaisheng Mosque

• 第09期 怀圣寺始建唐朝 光塔虽斜但无恙 古寺铭刻圣人言高塔千年保真身 - 《南方都市報》
• 怀圣寺,广州怀圣寺攻略/地址/图片/门票 携程旅游