圓形有時叫圓，係圓嘅幾何圖形。圓形個中心叫圓心，而條邊嘅叫圓周。圓心同圓周之間，每點嘅直綫距離係一樣嘅，呢個距離就叫半徑。而一條直綫，由一圓周上一點，通過圓心到圓周另一邊，呢個就叫直徑。

喺圓形上面任意篤兩點，然後用直線連埋，嗰條直線就叫做弦。將條弦向兩邊延長，就變咗做割線。如果一條直線同圓形只有一個交點，嗰條直線就叫做切線。圓周嘅一橛仔就係弧。弧嘅兩邊同兩條半徑組成扇形，而弧嘅兩邊同弦組成弓形。

圓心叫${\displaystyle O}$嘅話，噉個圓形可以寫成${\displaystyle \odot O}$。

• 圓形嘅方程可以寫做：

${\displaystyle (x-h)^{2}+(y-k)^{2}=r^{2))$ (標準式)

其中 ${\displaystyle r}$ 係半徑， ${\displaystyle (h,k)}$ 係圓心嘅座標。

或

${\displaystyle x^{2}+y^{2}+Dx+Ey+F=0}$ (一般式)

標準式同一般式嘅轉換係：

${\displaystyle {\begin{aligned}&D=-2h\\&E=-2k\\&F=h^{2}+k^{2}-r^{2}\end{aligned))}$

• 圓形嘅參數方程係：

${\displaystyle {\begin{cases}x=r\cos t\\y=r\sin t\\\end{cases)),\ t\in [0,2\pi )}$

• 圓周長度 ${\displaystyle =2\pi r}$
• 圓面積 ${\displaystyle =\pi r^{2))$

入面 ${\displaystyle \pi }$ 係圓周率，係圓周同直徑嘅比例。

圓形有好多幾何特性（定理），下面會將啲特性逐個列出嚟。

圓形有無限條對稱軸，都係穿過圓心嘅。 有好多圓嘅性質都可以由佢嘅對稱性推出。

如果有兩點 ${\displaystyle A}$ 同 ${\displaystyle B}$ 都係喺一個圓心係 ${\displaystyle O}$ 嘅圓形上面，噉樣嘅話 ${\displaystyle OA=OB}$。 （定理縮寫：（半徑）/${\displaystyle (\mathrm {radii} )}$）

對於圓形裏面嘅是但一條弦 ${\displaystyle AB}$，如果一條經過圓心 ${\displaystyle O}$ 嘅直線同條弦垂直（而且當交點係 ${\displaystyle C}$，即係 ${\displaystyle OC\perp AB}$），噉嗰條直線就會平分條弦（${\displaystyle AC=CB}$）。 （定理縮寫：（圓心至弦嘅垂線平分弦）/${\displaystyle (\mathrm {line\ from\ centre} \perp \mathrm {chord\ bisects\ chord} )}$）

對於圓形裏面嘅是但一條弦 ${\displaystyle AB}$，如果一條經過圓心 ${\displaystyle O}$ 嘅直線平分條弦（而且當交點係 ${\displaystyle C}$，即係 ${\displaystyle AC=CB}$），噉嗰條直線就會同條弦垂直（${\displaystyle OC\perp AB}$）。 （定理縮寫：（圓心至弦中點嘅連線⊥弦）/${\displaystyle (\mathrm {line\ from\ centre\ to\ mid} }$-${\displaystyle \mathrm {pt.\ of\ chord} \perp \mathrm {chord} )}$）

對於同一個圓形裏面兩條一樣長嘅弦（${\displaystyle AB}$ 同 ${\displaystyle CD}$，中點分別係 ${\displaystyle M}$ 同 ${\displaystyle N}$），佢哋同圓心 ${\displaystyle O}$ 嘅距離一樣 （${\displaystyle OM=ON}$）。 （定理縮寫：（等長嘅弦同圓心同距）/${\displaystyle (\mathrm {equal\ chords} ,\ \mathrm {equidistant\ from\ centre} )}$）

對於同一個圓形裏面兩條一樣長同圓心同距嘅弦（${\displaystyle AB}$ 同 ${\displaystyle CD}$），佢哋嘅長度一樣 （${\displaystyle AB=CD}$）。 （定理縮寫：（同圓心同距嘅弦等長）/${\displaystyle (\mathrm {chords\ equidistant\ from\ centre\ are\ equal} )}$）

• 圓周率
• 球 (幾何)

睇 傾 改 幾何學（理論基礎）
數學最緊要嘅領域之一，研究形狀、位置同抽象空間
主要領域	歐氏幾何 非歐氏幾何（橢圓同球面 · 雙曲） 非阿基米德幾何 代數幾何（算術）同解析幾何 微分幾何（黎曼 · 扭對稱） 拓撲學 離散幾何（數碼） 複幾何 投影幾何 仿射幾何 綜合幾何 變換幾何 有限幾何 凸幾何 重合幾何 碎形幾何 運算幾何
重要概念	空間 平行 對角線 曲綫 頂點 角（角度） 正交（垂直） 對稱同唔對稱 全等同相似 移位、轉動、反射同縮放 碎形 尺規作圖
跟維度分	低維 0D（點） 1D（直綫 · 綫段 · 長度 · 距離） 2D 面 面積 多邊形 圓形（直徑同半徑 · 圓心 · 圓周率 · 圓周 · 圓面積） 三角形（斜邊 · 畢氏定理 · 三角學） 四邊形，包括平行四邊形（正方形 · 長方形 · 菱形）、梯形同鷂形 相交 幾何中心 3D 體積 方柱（長方體同正方體） 圓柱 錐體 球面 多面體
幾何學史	畢達哥拉斯 歐幾里得同幾何原本 阿基米德 張衡 奧瑪開儼 勒內·笛卡兒 高斯 羅巴切夫斯基 黎曼 打域囂拔
相關領域	數學 物理學（力學 · 幾何光學 · 相對論） 天文學 工程學（工程數學 · 建築學同建築工程 · 結構工程） 電腦圖像學
拉雜相關	Vector 數學之美 理想化同抽象化 自然形態規律 時空 宇宙（宇宙形狀） 視覺藝術同花臣 冇可能嘅物體 黃金比例 理型論
幾何學類