反修例運動警察假扮示威者破壞嘅指控
喺香港反逃犯條例修訂運動(反修例運動)期間,有啲親中派嘅支持者指控示威者採取暴力手段,破壞一啲商店同公共設施。不過,之後有媒體報導同網上片段流傳疑似示威者破壞嘅情況,但呢啲示威者竟然有唔少警察先會有嘅裝備,有啲人就質疑,呢啲破壞其實係香港警察、甚至係中共武警公安假扮示威者去做,目的係抹黑示威者,為鎮壓揾藉口。呢啲講法,得到國際特赦組織一個報告提及有一定證據支持,警察否認有關指控,但就承認有臥底警員喺示威場合入面假扮抗爭者[1][2]。
部分事例
[編輯]- 喺2019年9月,香港恒生大學學生會編輯委員會發布一段影片,影到喺銅鑼灣維園糖街入口位置,入面有兩個黑衣男子向香港警察掟汽油彈,其中一個人背囊上面有閃光裝置,但有民眾發現跟上去嘅警察嘅手臂上面,有藍色LED嘅發光手帶特別裝置,佢哋仲有胡椒噴霧、警棍等裝備,懷疑嗰兩個掟汽油彈嘅人,根本就係警察假扮嘅示威者[3]。
- 喺2019年10月8號,網上廣傳兩條短片,其中一段影片見到,多個蒙面男子,喺當時已經關閉嘅港鐵上水站入面破壞閘機、售票機等,又拎住警察用嘅強光手電筒同埋胡椒噴霧恐嚇目擊者。有市民質疑,胡椒噴霧係屬於管制槍械,一般人被發現買賣都屬違法,一般示威者都唔會攞到[2][4][5]。
- 去到10月14號,有港鐵員工揭露,港鐵係因應政府要求製造呢啲示威者破壞嘅假象,特登開少啲入閘機,聲稱入閘機壞咗但其實全部運作正常,企圖增加市民對示威人士嘅不滿。另一方面,香港警察假扮示威者喺港鐵進行嘅破壞行為,仲包括有放火同灌水,同時仲配合埋親中派無綫新聞嘅獨家報道,抹黑示威者。[6]
外界反應
[編輯]- 美國共和黨海外事務組織副主席俞懷松(Solomon Yue)對香港警察嘅做法公開批評,話佢哋嘗試嫁禍抗爭者[2]。
- 公民黨主席梁家傑質疑,照呢個講法,咁有好多事件其實都可能係警察嘅「臥底」挑動、策劃或者做出來,但就由抗爭者食死貓。佢又引述國際特赦組織嘅報告,批評警察嘅做法[2]。
- 民主黨前區議員林詠然話,大家已經喺網上面睇得好清楚,好多都係警察假扮成抗爭者搞破壞,做好多違法嘅嘢,講到尾就係林鄭月娥唔敢面對事實。林詠然又話,如果有獨立調查委員會,全面調查嘅話,肯定會揭發更多嘅黑幕同唔見得人嘅嘢[2]。
參考
[編輯]- ↑ 自由時報電子報 (2019-10-09). 〈香港人反抗》假扮示威者破壞車站? 港警:曾派便衣執行任務 - 國際〉. 《自由時報電子報》 (中文). 喺2021-12-31搵到.
- ↑ 2.0 2.1 2.2 2.3 2.4 〈港警栽贓曝光 深夜蒙面破壞港鐵被抓包〉. 《大紀元時報 香港|獨立敢言的良心媒體》 (香港中文). 2019-10-09. 喺2021-12-31搵到.
- ↑ 〈自導自演扮示威者?港警認了曝原因〉. 《東森新聞》 (繁體中文). 喺2021-12-31搵到.
- ↑ 〈(影) 反送中》上水站打烊見假扮蒙面示威者 蒐證民眾遭強光電筒威嚇 | 中國 | Newtalk新聞〉. 《新頭殼 Newtalk》 (中文). 2019-10-09. 喺2021-12-31搵到.
- ↑ 〈上水站內疑似警察扮蒙面示威者 警方:曾派便裝警執行任務 絕不做違法行為〉. 原著喺2021年12月29號歸檔. 喺2021年12月31號搵到.
- ↑ 〈港鐵員工揭黑幕:破壞港鐵皆為港警 旨在嫁禍示威者〉. www.ntdtv.com (繁體中文). 2019-10-14. 喺2021-12-31搵到.
背景同目的 | |
---|---|
主要行動 | |
主要人物 | |
主要團體 | |
主要創作 | |
主要口號同術語 | |
相關議題 |
![]() | |
---|---|
![]() | |
![]() | |
![]() | 俞允時←經亨利 |
警察總監 | 經亨利←胡樂甫 |
警察司 | 胡樂甫←馬斯德←畢利←梅含理←哥頓←田尼←昆賢←查理士·梅理 |
總裁判司 | 布思←希利←堅 |
歷史同重大事件 | |
傳統文化 |
|
相關組織 | |
涉及爭議 |
Text is available under the CC BY-SA 4.0 license; additional terms may apply.
Images, videos and audio are available under their respective licenses.