元音和諧律

元音和諧律（vowel harmony）喺某啲語言嘅音系，係指同一截字入面（咩叫一截任個語言定，例如同一音節，或者同一個字），前元音（front vowels）同後元音（back vowels）唔可以同時出現，另外可能會有啲元音算係中性，可以同前或者後元音一齊出現都冇問題。有元音和諧律嘅語言包括芬蘭文、滿文等等。

例如，喺芬蘭文，a、o、u（/a/、/ɔ/、/u/）同 ä、ö、y（/æ/、/œ/、/y/）唔可以喺同一個字入面出現（直接抄、冇芬蘭化嘅借詞除外；如果個字係複合詞，就逐部份分開計），所以所有有 a、o、u 嘅文法格後綴都要有兩個唔同版本，一個前一個後^[1]^:7–8，例如 inessive（芬蘭文嘅兩種方位格之一）係 -ssa，但係因為字根可能有 ä、ö、y，所以亦要有另外一個相同意思嘅後綴 -ssä，專係用來lei4黐落有 ä、ö、y 嘅字嗰陣用。同樣理由，芬蘭文亦只會有雙元音 öy，唔會有 oy 或者 öu，因為唔同類唔可以擺埋一齊。