中華人民共和國最高領導人
中華人民共和國 |
![]() 呢篇文係關於 |
|
中華人民共和國憲法 最高領導人 / 國家元首 習李體制 / 李克強政府 |
![]() |
|
![]() |
|
地方行政區 |
統一戰線 |
|
民主黨派 |
選舉 |
睇埋 |
一國兩制 香港政治 / 澳門政治 |
兩岸關係 中華民國政治 / 台灣政治 |
類:國政 • Portal:政治 |
中華人民共和國最高領導人係指中華人民共和國歷史上有最高領導地位嘅領導人。呢個唔係一個官方用語,領導人亦唔需要做過特定嘅職位,只需要領導地位得到中國共產黨嘅認可,就可以被視為最高領導人。中國官方原本將毛澤東、鄧小平、江澤民定義做中央領導集體嘅核心,將胡錦濤、習近平定義做以總書記為首嘅黨中央[1]。不過喺2016年秋天嘅中共十八屆六中全會閉幕之後,習近平被中共冠以「領導核心」嘅稱號,佢之後更加延長任期,成為獨裁者。
中華人民共和國主席係中國名義上嘅國家元首,不過國家主席呢個職務名譽性質比較多,屬於虛位元首[2],一般係負責外交禮節同埋全國人民代表大會嘅程序性發佈命令工作,無乜嘢實權[3],行政上嘅政府首長係國務院總理[4]。中國共產黨中央委員會總書記係執政黨嘅領袖,做得呢個位就一定要係黨內最高層中共中央政治局常委嘅首席,負責主管黨務工作。由於中國共產黨係唯一嘅執政黨,所以總書記基本上乜嘢都管,不過呢個位唔一定能夠完全掌握軍權,因為中央軍委另外實行主席負責制。中國共產黨中央軍事委員會主席係中國人民解放軍嘅最高統帥,即係三軍總司令,由於「槍桿子裏出政權」,掌握軍權一般就意味掌握真正嘅大權,所以呢個位被認為係最高領導人嘅身份象徵。不過中央軍委主席嘅職責只局限喺軍隊入面,如果插手國家事務就會被認為係「名不正,言不順」。
歷代領導人
[編輯]代 | 姓名 | 肖像 | 黨職 | 時間 | 備註 |
---|---|---|---|---|---|
1 | 毛澤東 | ![]() |
中國共產黨中央委員會主席 中國共產黨中央軍事委員會主席 |
1949年-1976年 中共七大至十大 |
黨主席,1949年到佢死嘅1976年都係最高領導人 |
- | 華國鋒 | ![]() |
中國共產黨中央委員會主席 中國共產黨中央軍事委員會主席 |
1976年-1978年 中共十大至十一大 |
毛澤東欽點嘅接班人,黨內鬥爭失勢後退休 |
2 | 鄧小平 | ![]() |
中國共產黨中央顧問委員會主任 中國共產黨中央軍事委員會主席 |
1978年-1992年 中共十一大至十三大 |
1978年復出做元老代表,主導改革開放政策 |
3 | 江澤民 | ![]() |
中國共產黨中央委員會總書記 中國共產黨中央軍事委員會主席 |
1992年-2002年 中共十四大至十五大 |
六四事件之後取代趙紫陽做中共中央總書記 |
4 | 胡錦濤 | ![]() |
中國共產黨中央委員會總書記 中國共產黨中央軍事委員會主席 |
2002年-2012年 中共十六大至十七大 |
鄧小平喺1992年就已經隔代欽點嘅接班人 |
5 | 習近平 | ![]() |
中國共產黨中央委員會總書記 中國共產黨中央軍事委員會主席 |
2012年-目前 中共十八大起 |
革命元老習仲勛個仔,集中權力延長任期 |
參考
[編輯]- ↑ 〈胡锦涛称新领导层"以习近平为总书记的党中央"〉。原著喺2014年8月8號歸檔。喺2014年4月2號搵到。
- ↑ 〈虛位元首-法律百科-法幫網〉。原著喺2015年3月19號歸檔。喺2016年1月2號搵到。
- ↑ 〈主席是虛職 總理行實權〉。《搜狐評論》。2013年3月15號。
- ↑ 小平同志亲自拟订的一节宪法条文
關聯
[編輯]Text is available under the CC BY-SA 4.0 license; additional terms may apply.
Images, videos and audio are available under their respective licenses.