Tâi-oân-séng
Tâi-oân-séng sī Tiong-hoâ Bîn-kok siat ê séng-kip hêng-chèng tan-ūi.
Chheng-kok tī 1887 nî sêng-li̍p chit séng （Chheng-kok kā hō-chò "Hok-kiàn Tâi-oân-séng"), séng-hōe goân-pún beh khí tī Chiong-hòa ê Kiô-á-thâu, m̄-koh 1892 nî tio̍h chiām-thêng bô koh khí ah, 1894 nî kā séng-hōe sóa-khì Tâi-pak. 1895 nî hō͘ Tāi Ji̍t-pún Tè-kok hùi-tiāu. Chìn-chêng sio̍k Hok-kiàn-séng koán-hat. Ji̍t-pún chiàn-pāi liáu-āu, koh 1 pái iû Tiong-hoâ Bîn-kok kiàn-séng, séng-hōe tī Tâi-pak. 1956 nî, in-ūi kiaⁿ Tiong-kiōng hong-chà Tâi-pak hō͘ Tâi-oân ê chèng-hú bē-sái tín-tāng, sûi kā séng-hōe sóa-khì Lâm-tâu-koān ê Tiong-heng Sin-chhun.
Tiong-hoâ Jîn-bîn Kiōng-hô-kok kóng i kā-kī tùi Tâi-oân ū chú-khoân, ū siat kāng-miâ ê séng, m̄-kò bô si̍t-chè thóng-tī.
Choè-āu chi̍t jîm séng-chú-se̍k sī Ngô͘ Te̍k-sêng, i ê jîm-ki tī 2018 nî kiat-sok, uì hit ê sî-chūn khai-sí, Tâi-oân tio̍h bô séng-chú-se̍k chit-ê chit-uī --ah.
Le̍k-sú
[siu-kái | kái goân-sí-bé]1994 nî thâu-1-pái kí-pān séng-tiúⁿ soán-kí; Sòng Chhó·-jû tòng-soán. 1997 nî "hi-kip-hòa", kái iû hêng-chèng-īⁿ chí-phài séng-chú-se̍k. 2018 nî Tâi-oân-séng chèng-hú ha̍p-pèng ji̍p-khì hêng-chèng-īⁿ lāi-té.
Tē-lí
[siu-kái | kái goân-sí-bé]Chhiáⁿ chham-khó Tâi-oân chit phiⁿ.
Hêng-chèng
[siu-kái | kái goân-sí-bé]Chit séng ū 11 ê koān, 3 ê séng-hat-chhī. Koān ê chân-chhù siat 14 ê koān-hat-chhī. Tâi-pak-chhī, Sin-pak-chhī, Thô-hn̂g-chhī, Tâi-tiong-chhī, Tâi-lâm-chhī, Ko-hiông-chhī sī tiong-iong chèng-hú ê ti̍t-hat-chhī. Kim-mn̂g-koān, Liân-kang-koān (Má-chó·) sio̍k-î Tiong-hôa Bîn-kok ê Hok-kiàn-séng.
Koān
[siu-kái | kái goân-sí-bé]Ē-kha ê miâ àn-chiàu si̍t-chè tho̍k-im, ū khó-lêng hām hàn-jī tho̍k-im sió-khoá ū chha-pia̍t (iōng * chò kì-hō).
Séng-hat-chhī
[siu-kái | kái goân-sí-bé]| Ka-gī-chhī | Se-khu · Tang-khu |
|---|---|
| Ke-lâng-chhī | An-lo̍k-khu, Chhit-tó͘-khu · Jîn-ài-khu · Lóan-lóan-khu · Sìn-gī-khu · Tiong-chèng-khu · Tiong-san-khu |
| Sin-tek-chhī | Hiong-san-khu · Pak-khu · Tang-khu |
Chham-khó chu-liāu
[siu-kái | kái goân-sí-bé]- Tâi-gí Siông-iōng-sû Chiàⁿ-im Archived 2004-08-04 at the Wayback Machine. - tē-miâ tho̍k-im.
- Tâi-oân thih-lō· chām-miâ
- 台語音による地名
Gōa-pō· liân-kiat
[siu-kái | kái goân-sí-bé]- Tiong-hôa Bîn-kok ê Tâi-oân-séng bāng-chām Archived 2019-01-29 at the Wayback Machine.
| ||||||||||||||||||||||||||||
.svg)
| ||||||||||||||||||||||||||||||||||||||||||||||||||||||||||||||
.svg){kind=small}
Text is available under the CC BY-SA 4.0 license; additional terms may apply.
Images, videos and audio are available under their respective licenses.
