კამბეიშ ჸუჯი
კამბეის ჸუჯი ვარდა ჰამბჰატიშ ჸუჯი (ჰინდი: खंभात की खाड़ी) — არაბეთიშ ზუღაშ ჸუჯი ინდოეთიშ შტატ გუჯარათის. თიშ ელმოლგოჭარილოფა აკმადგინანს 130 კმ. თის ართიანშე გჷთმორთუნს ბჟადალშე ქათჰიავარიშ ჩქონი ბჟაეიოლშე მადვალუ დოსქილადირი გუჯარათიშე. კამბეიშ ჸუჯის ინმაკათუ წყარმალუ ნარმადა, საბარმატი დო ტაპტი. კამბეიშ ჸუჯი ვარე ტომბა.
კამბეიშ ჸუჯი უჯვეშაში ბორჯიშე რე რჩქინელი, მუჭოთ შანულამი ოვაჭაე ცენტრი. თიშიონიშოლეფი ინდოეთიშ დინოხოლენი ნორთის მითმურსხუანს ინდოეთიშ ოკიანეშ ოვაჭარე-ოზუღე შარეფწკჷმა. ისტორიულო რჩქინელი ონიშოლეფიე ბჰარუჩი, სურატი, ჰამბჰატი, ბჰავნაგარი, დამანი. ბჰარუჩი რდჷ რჩქინელი უმენტაშო ანტიკურ ეპოქას, ჰამბჰატი — შქა ოშწანურეფს. დიდი მოგოლეფიშ იმპერიას შანულამი საონიშოლო აბანი სურატიქ დეკუ.
კამბეიშ ჸუჯიშ გოხოლუას ინდური ცივილიზაციაწკჷმა მერსხილ უჯვეშაშ ნოხორუეფშა მეგორაფილქ იჸუ 2002 წანას. თენა რდჷ ლოთალიშ ოხორუე.
კარბონიზაფილი ჯაშ ნოჭკერიშ ხანი გჷნითანჯუ 9 500 წანათ.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
