გუჯარათი
გუჯ. ગુજરાત
ჰინ. गुजरात
ინგლ. Gujarat

გერბი
ქიანა	ინდოეთი
სტატუსი	შტატი
ადმინ. ცენტრი	განდინაგარი
შხუ ნოღა	აჰმადაბადი
შხუ ნოღეფი	ვადოდარა, სურატი, რაჯკოტი
მადუდე	გუბერნატორი: მარგარეტ ალვა თარი მინისტრი: ანანდიბენ პატილი
ოფიც. ნინეფი	გუჯარათული, ჰინდი
მახორობა (2011)	60 383 628 (10 აბანი)
მეჭედალა	310 კოჩი/კმ²
ერუან. აკოდგ.	გუჯარათარეფი
ფართობი	196 024 კმ² (7-ა აბანი)
ბორჯიშ ორტყაფუ	UTC+5:30
კოდი ISO 3166-2	IN-GJ
ოფიციალური ვებ-ხასჷლა

გუჯარათი (გუჯ. ગુજરાત; ჰინ. गुजरात; ინგლ. Gujarat) — შტატი ბჟადალ ინდოეთის. ნანანოღა — ნოღა განდინაგარი, უდიდაში ნოღა — აჰმადაბადი. მახორობა 60 383 628 ადამიერი (10-ა აბანი ინდოეთიშ შტატეფს შქას; მუნაჩემეფი 2011 წ.).

გუჯარათი, ინდოსტანიშ ჩქონიშ ოორუე-ბჟადალშე იდვალუაფუ, გეოლოგიურო — ინდოსტანიშ ფილას.უხურგანს პაკისტანს (ოორუე-ბჟადალშე), შტატეფს - რაჯასტანი (ოორუე-ბჟაეიოლშე), მადჰია-პრადეში (ბჟაეიოლშე) დო მაჰარაშტრა (ობჟათეშე), თაშნეშე, მორსხუე ტერიტორიეფს - დამანი დო დიუ დო დადრა დო ნაგარ-ჰაველი. შტატის ბჟადალშე ომძღჷ არაბეთიშ ზუღა, წყარპიჯიშ ღოზიშ სიგჷრძა — დოხოლაფირო 1600 კმ. გუჯარათიშ უდიდაში ნორთი იდვალუაფუ ქათჰიავარიშ ჩქონს. შტატიშ თარი წყარმალუეფიე: ნარმადა, ტაპტი დო საბარმატი.

2011 წანაშ ეჭარუაშ მუნაჩემეფით, შტატიშ მახორობა რე 60 383 628 ადამიერი. მახორობაშ მეჭედალა — 308,04 ადმ./კმ². გუჯარათიშ მახორობაშ დოხოლადირო 89,1 %  — ინდუისტი რე, 9,1 % - ისლამი, 1 % — ჯაინიზმი დო დოხოლაფირო 0,1 % — სიქიზმი.

შტატიშ არზაშე უმოსო გოფაჩილი ნინა რე გუჯარათული, ნამუთ ოდაბადური ნინა რე მახორობაშ 84,48 %-შო. შხვა ნინეფი რე: ბჰილი (4,75 %), ჰინდი (4,72 %), სინდჰი (1,89 %), მარათჰი (1,51 %), ურდუ (1,09 %), კონკანი (0,38 %). ურდუ, შტატიშ მუსულმანობასიე გოფაჩილი.

გუჯარათის 10 აეროპორტი იდვალუაფუ, არძა აეროპორტი, სარდარ ვალაბჰაი პატელიშ ჯოხოდვალაშ საირქიანო აეროპორტიშ მოხ, ხვალე აბანობური რეისეფს ღებულენს. ნოღა ვადოდარაშ რკინაშშარაშ გჷთაბიჯალი, შტატის არძაშე გჷნოხარგელი რკინაშშარაშ გჷთაბიჯალიე დო ინდოეთის გჷნოხარგუათ მაანთხა აბანსიე, იდვალუაფუ მუმბაი-დელიშ თარი ნოველას. შხვა შანულამი რკინაშშარაშ გჷთაბიჯალეფი იდვალუაფუ გეჸვენჯი ნოღეფს: სურატი, აჰმადაბადი დო რაჯკოტი. შტატიშ ოავტობუსე რსხუეფს ონინალ კომპანია GSRTC (Gujarat State Road Transport Corporation). თაშნეშე გოფაჩილი ჯარალობურ ტრანსპორტი რე ავტორიკშეფი.

შტატიშ უმაღალაში ოგურაფუე დჷნაწესებშა მიშმურს:

• Centre for Environmental Planning and Technology University (აჰმადაბადი)
• Gujarat Technological University (აჰმადაბადი)
• Indian Institute of Management Ahmedabad
• Central Salt and Marine Chemicals Research Institute (ბჰავნაგარი)
• Sardar Vallabhbhai National Institute of Technology (სურატი)
• National Institute of Design (აჰმადაბადი)
• Veer Narmad South Gujarat University (სურატი)
• Saurashtra University (რაჯკოტი)
• Sardarkrushinagar Dantiwada Agricultural University (პალანპური)
• Dhirubhai Ambani Institute of Information and Communication Technology (განდინაგარი) დო შხვ.

• გუჯარათიშ თარობაშ ოფიციალური ვებ-ხასჷლა Archived 2018-10-02 ვებ-ხასჷლას Wayback Machine.

შტატიშ ისტორია

• გუჯარათიშ ისტორია
• უმოსი ინფორმაცია გუჯარათიშ ისტორიაშენი
• გუჯარათიშ მამართვალეფიშ ერკებული Archived 2007-06-29 ვებ-ხასჷლას Wayback Machine.

შხვა ინფორმაცია გუჯარათიშენი

• გუჯარათიშ რუკა Archived 2005-12-29 ვებ-ხასჷლას Wayback Machine.
• გუჯარათიშ დიდი დო მორჩილი ნოღეფიშ ერკებული
• An organization of Minnesota Gujaratis

ძ • ს • რ ინდოეთიშ შტატეფი დო ტერიტორიეფი შტატეფი ანდჰრა-პრადეში · არუნაჩალ-პრადეში · ასამი · ბჟადალი ბენგალი · ბიჰარი · გოა · გუჯარათი · კარნატაკა · კერალა · მადჰია-პრადეში · მანიპური · მაჰარაშტრა · მეგჰალაია · მიზორამი · ნაგალენდი · ოდიშა · პენჯაბი · რაჯასტანი · სიკიმი · ტამილნადუ · ტელანგანა · ტრიპურა · უტარ-პრადეში · უტარაკჰანდი · ჩატისგარჰი · ჯარხანდი · ჰარიანა · ჰიმაჩალ-პრადეში მორსხუე ტერიტორიეფი ანდამანიშ დო ნიკობარიშ კოკეფი · დადრა დო ნაგარ-ჰაველი დო დამანი დო დიუ · დამანი დო დიუ · დელიშ ერუანული ნანანოღაშ ოლქი · ლადაქი · ლაქშადვიპი · პონდიშერი · ჩანდიგარჰი · ჯამუ დო ქაშმირი

))